На 96-м годзе жыцьця памёр гісторык, публіцыст, дзеяч беларускай дыяспары ў ЗША Янка Запруднік.
ГЛЯДЗІЦЕ ТАКСАМА: Памёр патрыярх беларускай дыяспары ў ЗША Янка Запруднік. Этапы жыцьця і выбраныя цытаты
Янка Запруднік быў падобны на самага прывабнага героя «Тутэйшых» Янкі Купалы — менавіта словамі настаўніка Янкі Здольніка адкрываецца галоўная беларуская пʼеса, і нават ягоны антаганіст Мікіта Зносак беспамылкова адчувае маштаб зьявы: «О, меджду протчым, і профэсар у нас! Здрасьціце!».
Прафэсарам Янка стаў, хоць і не ў Беларусі, але вывучаючы яе і вучачы ёй, асьвятляючы жыцьцё ўсіх, хто яго ведаў, беларускім сьвятлом — у шахтах Брытаніі і ўнівэрсытэцкіх аўдыторыях Бэльгіі і Амэрыкі, на Радыё Свабода і ў Радзе БНР.
Там, дзе быў Янка, заўсёды была Беларусь.
Купала мог бы ганарыцца.
Вечная памяць.
Думкі, выказаныя ў блогах, перадаюць погляды саміх аўтараў і не абавязкова адлюстроўваюць пазыцыю рэдакцыі.