Сёньня ў другой палове дня артылерыяй прарасейскіх сэпаратыстаў абстраляла Новалуганск у Данецкай вобласьці, калі там знаходзіўся міністар унутраных спраў Украіны Дзяніс Манастырскі разам з групай міжнародных журналістаў.
ГЛЯДЗІЦЕ ТАКСАМА: На Данбасе пад абстрэл трапілі кіраўнік МУС Украіны, журналісты і дэпутатыНа Данбасе прарасейскія сэпаратысты ўзмацнілі абстрэл пазыцый украінскіх войскаў.
ГЛЯДЗІЦЕ ТАКСАМА: На Данбасе загінуў украінскі вайсковец. Назіральнікі АБСЭ кажуць пра ўзмацненьне інтэнсіўнасьці баявых дзеяньняўВыведка Украіны заявіла аб мінаваньні аб’ектаў у Данецку расейскімі спэцслужбамі.
ГЛЯДЗІЦЕ ТАКСАМА: Выведка Ўкраіны: «Расейскія спэцслужбы замінавалі аб’екты ў Данецку». На Данбасе 19 лютага аб’явілі ўсеагульную мабілізацыюNATO гатовае даць гарантыі прэзыдэнту Расеі Ўладзіміру Пуціну, што альянс не ўяўляе для Расеі пагрозы, заявіў прэм'ер-міністар Вялікай Брытаніі Борыс Джонсан.
ГЛЯДЗІЦЕ ТАКСАМА: Прэм’ер Вялікай Брытаніі: NATO гарантуе адсутнасьць пагрозы для РасеіВыступаючы на канфэрэнцыі ў Мюнхэне, віцэ-прэзыдэнт ЗША Камала Гарыс сказала, што ўварваньне Расеі ва Ўкраіну сутыкнецца з узмацненьнем усходняга флянгу NATO і «беспрэцэдэнтнымі» коштамі.
ГЛЯДЗІЦЕ ТАКСАМА: Віцэ-прэзыдэнт ЗША: NATO ўмацуе саюзьнікаў «на ўсходнім флянгу» ў выпадку ўварваньня Расеі ва ЎкраінуВыступаючы на канфэрэнцыі ў Мюнхэне канцлер Нямеччыны Оляф Шольц заявіў, што напад Расеі на Ўкраіну быў бы «сур’ёзнай памылкай» з высокімі «палітычнымі, эканамічнымі і геастратэгічнымі выдаткамі».
ГЛЯДЗІЦЕ ТАКСАМА: Канцлер Нямеччыны: магчымы напад Расеі на Ўкраіну быў бы «сур’ёзнай памылкай»Генэральны сакратар NATO Енс Столтэнбэрг заявіў 19 лютага, што накіраваў ліст міністру замежных спраў Расеі Сяргею Лаўрову з просьбай пачаць дыялёг у рамках Рады Расея — NATO для прадухіленьня канфлікту ва Ўкраіне.
ГЛЯДЗІЦЕ ТАКСАМА: Столтэнбэрг заявіў, што накіраваў Лаўрову ліст з просьбай пачаць дыялёг у рамках Рады Расея — NATOМіністры замежных спраў G7 апублікавалі 19 лютага сумесную заяву, заклікаўшы Расею "абраць шлях дыпляматыі, зьнізіць напружанасьць, істотна адвесьці ўзброеныя сілы ад межаў Украіны і поўнасьцю выконваць міжнародныя абавязаньні".
ГЛЯДЗІЦЕ ТАКСАМА: Міністры замежных спраў G7 заклікалі Расею адвесьці войскі ад УкраіныТым часам у Расеі прайшлі вучэньні з пускам балістычных ракет, за якімі назіралі Пуцін і Лукашэнка.
ГЛЯДЗІЦЕ ТАКСАМА: У Расеі пачаліся вучэньні з пускам балістычных ракет. За імі назіралі Пуцін і ЛукашэнкаПагроза нападу Расеі на Ўкраіну
- А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
- Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
- Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
- 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фотаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
- З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў. Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
- Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
- 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
- У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка сказаў, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
- 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
- У канцы 2023 і на пачатку 2024 расейцы працягвалі масавыя абстрэлы ўкраінскіх гарадоў: Дніпры, Кіеве, Харкаве, Адэсе і іншых месцах дзясяткі людзей загінулі і атрымалі раненьні. Украінскі бок у адказ абстрэльваў расейскі Белгарад, некалькі чалавек загінулі. Узброеныя сілы дзьвюх краін рэгулярна атакуюць падкантрольныя адна адной тэрыторыі бесьпілётнікамі.
- Агулам з пачатку 2024 году ўкраінскія дроны пашкодзілі 18 расейскіх НПЗ, што прывяло да скарачэньня вытворчасьці амаль на 14%. У сакавіку былі атакаваныя такія абʼекты, як Разанскі НПЗ «Раснафты» і завод «Лукойла» ў Кстове ў Ніжагародскай вобласьці. Абодва ўваходзяць у топ-10 найбуйнейшых НПЗ Расеі і забясьпечваюць бэнзінам Маскву.
- 6 жніўня 2024 году Ўкраіна пачала апэрацыю ў Курскай вобласьці. 19 жніўня прэзыдэнт Украіны Ўладзімір Зяленскі заявіў, што пад кантролем Украіны ў ходзе апэрацыі Ўзброеных сілаў Украіны знаходзяцца 92 паселішчы Курскай вобласьці Расеі. Галоўнакамандуючы Ўзброенымі сіламі Ўкраіны Аляксандар Сырскі ўдакладніў, што такіх населеных пунктаў 82. Улады Ўкраіны заявілі пра стварэньне ваенных камэндатураў і арганізацыі перадачы «гуманітарнай дапамогі ў населеныя пункты, якія знаходзяцца пад кантролем Украіны». Экспэрты Інстытуту вывучэньня вайны, прааналізаваўшы заявы і відэаматэрыялы з геалякацыяй, выказалі меркаваньне, што Ўкраіна кантралюе ў Курскай вобласьці ня ўсю тэрыторыю ў заяўленых межах прасоўваньня.
- 16-18 жніўня ўкраінскія сілы падарвалі тры масты, якія мелі стратэгічнае значэньне для матэрыяльна-тэхнічнага забесьпячэньня групоўкі расейскіх войскаў ва Ўкраіне і вайсковай авіяцыі, якая базуецца ў Курскай вобласьці.
- Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.