У дакумэнце, апублікаваным на Нацыянальным прававым партале, удакладняецца, што ўказ прыняты дзеля скарачэньня інвэстыцыйнага цыклю будаўніцтва нафтавых і газавых сьвідравін, узьвядзеньня і рэканструкцыі аб’ектаў тэхналягічнага комплексу збору і транспарту нафты, газу і вады, якія выконвае РУП «Беларуснафта».
Аблвыканкамы маюць права прымаць рашэньні аб адбіраньні і перадачы «Беларуснафце» зямельных участкаў і лясных зямель для будаўніцтва і абслугоўваньня сьвідравін, узьвядзеньня і рэканструкцыі аб’ектаў уладкаваньня нафтавых радовішчаў.
ГЛЯДЗІЦЕ ТАКСАМА: «Беларуснафту» вывелі з падпарадкаваньня «Белнафтахіма»«Займаньне такіх зямельных участкаў РУП „Беларуснафта“ без дакумэнтаў, якія сьведчаць права на іх, не зьяўляецца самавольным займаньнем участкаў», — гаворыцца ў дакумэнце.
Распрацоўка сьвідравін таксама дазваляецца ў Палескім дзяржаўным радыяцыйна-экалягічным запаведніку — гэта зона адсяленьня ў выніку аварыі на Чарнобыльскай АЭС.
Тэрмін правядзеньня экалягічнай экспэртызы праектнай дакумэнтацыі на будаўніцтва сьвідравін не павінен перавышаць 10 рабочых дзён. А дзяржорганы на працягу 5 рабочых дзён з даты звароту «Беларуснафты» абавязаныя выдаваць рашэньні для правядзеньня пошукавых работ.
ГЛЯДЗІЦЕ ТАКСАМА: «Нутром чую, што ёсьць нафта». 10 гадоў таму Лукашэнка казаў тое ж самае пра радовішчы газу6 верасьня Аляксандар Лукашэнка, прымаючы з дакладам генэральнага дырэктара «Беларуснафты» Аляксандра Ляхава, заявіў, што яго вельмі цікавіць праблема Прыпяцкага прагібу.
«Нутром чую, што там у нас ёсьць нафта, якой мы яшчэ ня бачым, — патлумачыў сутнасьць інтарэсу Лукашэнка. — Пасьля адкрыцьця пэрспэктыўных радовішчаў мы ў свой час здабывалі больш за 8 млн тон нафты. І ўсю выпампавалі, бо памылкова лічылі, што ў нас мора нафты ў Беларусі. Можа, і ёсьць тое мора, якое мы яшчэ не знайшлі. Каб нам сёньня 8-9 млн тон, мы б жылі лепш, чым самыя багатыя краіны нашай плянэты».
ГЛЯДЗІЦЕ ТАКСАМА: Вэнэсуэла, Казахстан: Дзе, апроч Расеі, Беларусь спрабавала закупляць нафту і чым гэта скончыласяЦяпер больш за 90% нафты здабываюць на тэрыторыі паўночнай тэктанічнай структуры Прыпяцкага прагіну на тэрыторыі Рэчыцкага, Сьветлагорскага, Калінкавіцкага раёнаў.
Геолягавыведныя работы таксама праходзяць у Лельчыцкім і Ельскім раёнаах, а з наступнага году пачнуцца ў Нараўлянскім і Хойніцкім.