Былога студэнта БДУ Арцёма Баярскага залічылі ў Ковенскі ўнівэрсытэт Вітаўтаса Вялікага на бакаляўрскую праграму «Біятэхналёгія».
Ён зможа пачаць вучобу, калі выйдзе на волю. Арцёма Баярскага затрымалі сёлета 24 сакавіка. Пры затрыманьні яго білі. Спачатку ён адседзеў адміністрацыйны арышт за бел-чырвона-белы сьцяг, які нібыта вісеў на 11-м паверсе ягонага інтэрнату.
Потым на яго завялі крымінальную справу за «стварэньне экстрэмісцкага фармаваньня» (частка 1 артыкула 361-1 Крымінальнага кодэксу Беларусі). Зьявілася відэа, дзе Баярскі прызнаецца, што адміністраваў «экстрэмісцкі» рэсурс «Мая краіна Беларусь». Яму пагражае да сямі гадоў пазбаўленьня волі.
ГЛЯДЗІЦЕ ТАКСАМА: Студэнту БДУ Баярскаму, які выступіў з «паказаньнямі» на відэа, адмовілі ў завядзеньні справы за пабіцьцё ў ГУБАЗіКуЛетась у жніўні Арцём, разам яшчэ з сотняй студэнтаў, адмовіўся ад прэзыдэнцкай стыпэндыі. Яшчэ школьнікам ён чатыры разы займаў прызавыя месцы на нацыянальных алімпіядах у хіміі. Пасьля затрыманьня яго выключылі з БДУ.
ГЛЯДЗІЦЕ ТАКСАМА: Хлопца, які адмовіўся ад прэзыдэнцкай стыпэндыі, абвінавацілі ў адміністраваньні «экстрэмісцкага» тэлеграм-каналу ГЛЯДЗІЦЕ ТАКСАМА: Праваабаронцы прызналі палітвязьнем студэнта Арцёма Баярскага. У Беларусі такіх ужо 370