Тысячы афганцаў спрабуюць вылецець з Афганістану пасьля захопу ўлады талібамі. ЗША прыцягнулі камэрцыйныя самалёты для дапамогі ў эвакуацыі людзей з Афганістану.
Пра гэта паведамляе ВВС.
У заяве Пэнтагону гаворыцца, што 18 самалётаў не паляцяць у Кабул, а дапамогуць перасоўваньню людзей, якія едуць транзытам у трэція краіны.
ГЛЯДЗІЦЕ ТАКСАМА: «Талібы не абавязкова нясуць зло». Пасол Беларусі выказаўся пра новую ўладу ў АфганістанеУ кабульскім аэрапорце за тыдзень у выніку цісканіны і сутычак загінулі прынамсі 20 чалавек.
У нядзелю Міністэрства абароны ЗША абвясьціла аб актывацыі цывільнага рэзэрвовага паветранага флёту (CRAF) для дапамогі ў эвакуацыі.
Гэта дазваляе ЗША мабілізаваць грамадзянскія авіякампаніі на дапамогу ў надзвычайнай сытуацыі. Апошні раз CRAF выкарыстоўваўся напярэдадні і падчас уварваньня ЗША ў Ірак у 2003 годзе і падчас вайны ў Пэрсыдзкай затоцы 1990-1991 гадоў.
ГЛЯДЗІЦЕ ТАКСАМА: У аэрапорце Кабулу ў цісканіне загінулі сем чалавекЗгодна з заявай, актывацыя першага ўзроўню прызначаная для 18 самалётаў: чатырох ад United Airlines; па тры ад American Airlines, Atlas Air, Delta Air Lines і Omni Air; і два ад Hawaiian Airlines.
«Актывацыя CRAF павялічвае перавозку пасажыраў за рамкі арганічных магчымасьцяў і дазваляе вайсковым самалётам засяродзіцца на апэрацыях у Кабуле», — гаворыцца ў паведамленьні.
Дарадца Белага дома па нацыянальнай бясьпецы Джэйк Саліван заявіў, што ў Афганістане, як мяркуецца, знаходзіцца яшчэ некалькі тысячаў грамадзян ЗША.
Саліван ахарактарызаваў пагрозу нападаў групоўкі «Ісламская дзяржава» на аэрапорт Кабулу як «рэальную» і «вострую».
ГЛЯДЗІЦЕ ТАКСАМА: Талібы, не знайшоўшы журналіста Deutsche Welle, забілі ягонага сваякаЧыноўнік Талібану Амір Хан Мутакі тым часам абвінаваціў ЗША ў «драме эвакуацыі» ў аэрапорце.
Прэм’ер -міністар Вялікабрытаніі Барыс Джонсан склікаў у аўторак тэрміновую онлайн-сустрэчу лідэраў дзяржаваў «Вялікай сямёркі».
«Вельмі важна, каб міжнародная супольнасьць працавала разам, каб забясьпечыць эвакуацыю, прадухіліць гуманітарны крызіс і падтрымаць афганскі народ у захаваньні посьпехаў, якія былі дасягнутыя за апошнія 20 гадоў», — напісаў ён.
Былы прэмʼер -міністар Вялікай Брытаніі Тоні Блэр тым часам жорстка раскрытыкаваў выхад ЗША з Афганістану.
«Вы азіраецеся на ўвесь сьвет, і адзіныя людзі, якія сапраўды падтрымліваюць гэтае рашэньне, — гэта людзі, варожыя інтарэсам Захаду», — сказаў ён.
ГЛЯДЗІЦЕ ТАКСАМА: Мэркель на перамовах з Пуціным рэзка асудзіла прымяненьне ўладамі Беларусі «ў якасьці гібрыднай зброі людзей, якія церпяць бедзтва». ВІДЭАЗША плянуюць поўны вывад сваіх войскаў з Афганістану 31 жніўня.
Некалькі саюзных дзяржаў — у тым ліку Вялікая Брытанія — патрабуюць працягнуць гэты тэрмін, паколькі эвакуацыю з кабульскага аэрапорту забясьпечваюць найперш амэрыканскія вайскоўцы.