Крама тавараў з нацыянальным калярытам «Будзьма» працуе апошнія дні. Неўзабаве яна зачыніцца на няпэўны тэрмін, паведамілі ў краме. Зацікаўленых асобаў просяць замаўляць тавары з асартымэнту на сайце. Замовы прымаюцца да 23:59 чацьвярга 10 чэрвеня. Іх можна аформіць таксама па тэлефоне +375 (33) 367-36-10.
Забраць замову можна з панядзелка па пятніцу з 16:30 да 19:30 у пункце самавывазу па адрасе: Менск, вуліца Кнорына 6Б, творчая прастора VIR. Апошні дзень выдачы замоваў — 11 чэрвеня да 19:30. Таксама дзейнічае дастаўка кур’ерам па Менску і поштай па Беларусі ды за мяжу.
«Будзьма», як і шэраг іншых крамаў, якія прадавалі адзеньне з нацыянальнай сымболікай ці матывамі, сустрэла шматлікія перашкоды ў час выбарчай кампаніі 2020 году і пасьля сфальсыфікаваных выбараў.
Пасьля частых візытаў дзяржаўных органаў мусілі закрыцца ці зазналі сур’ёзныя цяжкасьці ў далейшай працы крамы «Князь Вітаўт», Symbal.by, «Росквіт», «Мой модны кут», Honar, Vokladki, БЧБ.бел, «Адметнасць», «Цудоўная крама», «Хамелеон», LSTR Adzieńnie, майстэрня Moj rodny kut і іншыя.
ГЛЯДЗІЦЕ ТАКСАМА: У горадзенскую краму прыйшла скарга на «акупацыйную бел-чырвона-белую сымболіку» ГЛЯДЗІЦЕ ТАКСАМА: Берасьцейская крама нацыянальных сувэніраў «Князь Вітаўт» абвясьціла пра закрыцьцё ГЛЯДЗІЦЕ ТАКСАМА: Налёт на беларушчыну. Як па ўсёй краіне прэсуюць беларускія асяродкі