Дэпутаты эўрапейскіх краінаў далучыліся да Міжнароднага дня салідарнасьці зь Беларусьсю. Свае пажаданьні беларусам як найхутчэй дамагчыся зьмены палітычнага рэжыму на свабодны даслалі парлямэнтары шэрагу краінаў Эўразьвязу.
Як і пераважная большасьць эўрапейскіх палітыкаў, парлямэнтары выкарыстоўваюць для сваіх пасланьняў папулярную ў Заходняй Эўропе сацыяльную сетку Твітэр. Хэштэг, які выкарыстоўваюць, каб выказаць салідарнасьць з народам Беларусі: #StandWithBelarus.
Дэпутат Эўрапарлямэнту, лідэр Эўрапейскай народнай партыі (ЭНП) Манфрэд Вэбэр сказаў, што «ў дзень салідарнасьці зь Беларусьсю падтрымлівае ўсіх беларусаў, якія мірна і бескампрамісна заклікаюць да свабодных і справядлівых выбараў». Таксама Вэбэр перакананы, што Лукашэнку павінны прыцягнуць да адказнасьці за яго злачынствы.
Today marks 6 months since peaceful protests started in #Belarus. On the Day of Solidarity with Belarus, I stand with all Belarussians peacefully & relentlessly calling for free & fair elections. Lukshenko must be held accountable for his crimes. #StandWithBelarus @Tsihanouskaya pic.twitter.com/gQi1StcqhO
— Manfred Weber (@ManfredWeber) February 7, 2021
Сябра парлямэнту Вялікай Брытаніі ад Кансэрватыўнай партыі Вэндзі Мортан адзначыла, што праз паўгода пасьля сфальшаваных прэзыдэнцкіх выбараў у Беларусі Вялікая Брытанія салідарная з тымі, хто змагаецца за дэмакратыю. На яе думку, народ Беларусі заслугоўвае «пасьпяховай будучыні, якую ён вызначыў і якую можа сфармаваць».
Six months on from the fraudulent Presidential election in Belarus, the UK stands in solidarity with those working towards democracy. The people of Belarus deserve a prosperous future, which they decided upon and can shape. pic.twitter.com/w3RSFyDaTK
— Wendy Morton MP (@morton_wendy) February 7, 2021
Дэпутат Сэйму Польшчы ад «Грамадзянскай плятформы» Міхал Шчэрба апублікаваў у сваім твітэры фатаздымак, напісаўшы, што адкрыў дзень салідарнасьці зь Беларусьсю ў Варшаве.
Zaczynamy Dzień Solidarności z Białorusią w Warszawie. Wolna Warszawa dla #WolnaBiałoruś @Tsihanouskaya #StandWithBelarus pic.twitter.com/iSFAabamAk
— Michał Szczerba (@MichalSzczerba) February 7, 2021