Людзі

Палітзьняволеных Кацярыну Андрэеву, Кацярыну Барысевіч і Дар’ю Чульцову намінавалі на прэмію «Журналіст года-2020»

Журналісткі Кацярына Андрэева, Дар'я Чульцова, Кацярына Барысевіч.

Названы шорт-ліст нацыянальнай прэміі праваабарончай супольнасьці. Кандыдаты вылучаныя ў трох катэгорыях: «Праваабаронца году», «Журналіст году», «Праваабарончая кампанія/ініцыятыва году».

Як паведамляе Беларуская асацыяцыя журналістаў , у кароткі сьпіс намінацыі «Праваабронца году-2020» увайшлі:

• Тацяна Агеева

• Павал Левінаў

• Марфа Рабкова.

Марфа Рабкова зьняволеная паводле крымінальнай справы, заведзенай пасьля выбараў, прызнаная палітвязьнем.

ГЛЯДЗІЦЕ ТАКСАМА: «Мы ня хочам, каб Беларусь ператварылася ў ГУЛАГ». Алеся Бяляцкага і «Вясну» ўзнагародзілі прэміяй «За годны лад жыцьця»

У намінацыі «Журналіст году-2020» значацца супрацоўніцы СМІ, якія цяпер у зьняволеньні:

• Кацярына Барысевіч, TUT.BY

• Кацярына Андрэева, Белсат

• Дар’я Чульцова, Белсат.

ГЛЯДЗІЦЕ ТАКСАМА: Апэратарцы «Белсату» можа пагражаць крымінальная справа

За званьне лепшай «Праваабарончай кампаніі/ініцыятывы-2020» будуць змагацца:

• Кампанія ByCOVID-19

• Валянтэрская служба Праваабарончага цэнтру «Вясна»

• Кампанія «Праваабаронцы за свабодныя выбары».

ГЛЯДЗІЦЕ ТАКСАМА: Праваабаронцы прызналі журналістак Кацярыну Барысевіч, Кацярыну Андрэеву і Дар’ю Чульцову палітычнымі вязьнямі

Цырымонія абвяшчэньня ляўрэатаў прэміі праваабарончай супольнасьці адбудзецца 10 сьнежня, у дзень прыняцьця Ўсеагульнай дэклярацыі правоў чалавека.

Пачатак трансьляцыі а 16-й на сайце Беларускай асацыяцыі журналістаў.

За кратамі, бо журналісты