Міністэрства замежных спраў Беларусі выклікала пасла Ўкраіны Ігара Кізіма і заявіла яму «рашучы пратэст» за акцыі, якія праходзілі каля беларускага пасольства ва Ўкраіне.
МЗС называе гэтыя акцыі «антыбеларускімі» і «выказвае вялікую занепакоенасьць бязьдзеяньнем кампэтэнтных органаў Украіны», якія не спыняюць «правакацый».
«Супрацьпраўная дзейнасьць радыкальных элемэнтаў каля будынка беларускай дыпляматычнай місіі ў Кіеве стварае непасрэдную пагрозу для яе функцыянаваньня, а таксама для бясьпекі супрацоўнікаў пасольства і іхных сем’яў», — гаворыцца ў паведамленьні МЗС.
Беларускія ўлады таксама чакаюць рэакцыі Ўкраіны на «правакацыі» і «акты вандалізму» ў дачыненьні да беларускага консульства ў Львове.
ГЛЯДЗІЦЕ ТАКСАМА:
Былы дырыгент беларускай опэры запрасіў звольненых калег на працу ў КіеўБеларус каля 7 гадзін прастаяў на каленях у кайданках ля амбасады Беларусі ў Кіеве «Мы разам». У Кіеве адбыўся музычны маратон салідарнасьці зь Беларусьсю