Аляксандар Лукашэнка заявіў, што ўважліва назірае за сытуацыяй, якая складваецца ў краіне. І перакананы, што пэўныя палітычныя сілы спрабуюць выкарыстаць людзей.
«Я пакуль прашу і папярэджваю перш за ўсё гэтых людзей: не прымушайце ўлады ісьці на нейкія захады рэагаваньня, не падштурхоўвайце нас да гэтага», — папярэдзіў ён, зьвярнуўшыся перадусім да бацькоў маладых людзей.
ГЛЯДЗІЦЕ ТАКСАМА: «Трэба — сядуць». Што Лукашэнка казаў пра Бабарыку цягам двух тыдняў перад яго затрыманьнем«Выкарыстоўваюць пацаноў, якія ня маюць да выбараў ніякага дачыненьня — па 15-17 гадоў. Яны ня памятаюць Беларусь, зь якой мы выходзілі з вамі ў лапцях і без штаноў у сярэдзіне 1990-х. Ня памятаюць тых талёнаў, што не маглі купіць бутэльку малака. Ня памятаюць, што на трое сутак у Менску мукі хапала, каб сьпекчы хлеб. Жывуць у чыстай і сьветлай Беларусі і думаюць, што ўсё гэта ўпадзе ім зь неба. Зразумела, гэта і наша недапрацоўка, што не патлумачылі», — цытуе яго БелТА.
ГЛЯДЗІЦЕ ТАКСАМА: «Надакучыла баяцца». Пікет салідарнасьці ў цэнтры Менску. ВІДЭА, ФОТАЁн запатрабаваў, каб бацькі растлумачылі дзецям, што парушаць закон не дазволена. І ня выключыў наступстваў.
«Я не хачу, каб іхныя дзеці трапілі ў складаную сытуацыю. Падкрэсьліваю, нікога не палохаю, але прашу гэта ўлічыць. Не трэба з зладзюгаў, буржуяў і іншых махляроў, якія сядзяць у „Белгазпрамбанку“, рабіць герояў. Гэтага не атрымаецца. Я ўжо казаў: ні вязьнямі сумленьня яны ня стануць, ні пухнатымі і белымі таксама ня будуць. А з тымі, хто гэта дапусьціў, мы яшчэ разьбяромся», — паабяцаў Лукашэнка.
ГЛЯДЗІЦЕ ТАКСАМА: За вызваленьне Бабарыкі на Change.org падпісаліся 200 тысяч карыстальнікаўЗь яго словаў, у прыватных кампаніях занадта «загуляліся ў палітыку», забыўшыся пра ўласных людзей.
«На курорты — Канары, Гоа, Тайлянд — грошы знайшлі, каб выехаць і адпачыць, а сваім супрацоўнікам заплаціць ня могуць. Разьбяромся, прытым жалезабэтонна. Загуляліся ў палітыку замест таго, каб займацца бізнэсам, пашыраць яго, паглыбляць і глядзець за сваімі людзьмі», — падсумаваў кіраўнік Беларусі выступ на нарадзе ў пытаньнях банкаўскага сэктару.
ГЛЯДЗІЦЕ ТАКСАМА: «Нікому не дазволю зламаць гэтую краіну». Лукашэнка заявіў, што «сарваныя маскі зь лялек і лялькаводаў» ГЛЯДЗІЦЕ ТАКСАМА: Ці пачалося ў Беларусі «паўстаньне масаў»? ГЛЯДЗІЦЕ ТАКСАМА: «Рэалізуецца сілавы сцэнар выбараў». Расейскія СМІ пра затрыманьне Бабарыкі і рэпрэсіі ў Беларусі