Такім чынам 19 верасьня менчукоў павіншуюць з 25-годзьдзем наданьня бел-чырвона-беламу сьцягу і гербу «Пагоня» статусу дзяржаўных сымбаляў Беларусі.
Як патлумачыў Свабодзе дырэктар «Арт-сядзібы» Павал Белавус, раздача адбудзецца падчас акцыі «Праспэкт нацыянальнага сьцяга» на Кастрычніцкай плошчы, на якую заклікалі моладзевыя лідэры Зьміцер Дашкевіч, Павал Вінаградаў і Яўген Афнагель.
«Стужку мы будзем раздаваць і ў сваёй сядзібе таксама. Але плянуем масава раздаваць на акцыі, куды заклікаў Зьміцер Дашкевіч і іншыя актывісты», — сказаў Павал Белавус.
Як дадаў Белавус, стужку ён набыў на менскім складзе магілёўскай фабрыкі «Стужка».