Маці асуджанай у Швэцыі за замах на забойства мужа Вольгі Класкоўскай зьвярнулася ў Генпракуратуру Беларусі, перадае БелаПАН.
Яна хадайнічае пра перавод дачкі ў Беларусь і пра перагляд яе справы. Як паведамляе БелаПАН са словаў Людмілы Класкоўскай, Генпракуратура, у сваю чаргу, зьвярнулася праз МЗС Беларусі ў кампэтэнтныя органы Швэцыі.
Вольга Класкоўская асуджаная 23 жніўня 2013 году за замах на забойства цяпер ужо былога мужа Гёкая Безгіна. Ёй прысудзілі восем гадоў турэмнага зьняволеньня і грашовую кампэнсацыю 110 тысяч швэдзкіх крон на карысьць былога мужа. 5 лістапада Апэляцыйны суд Стакгольму пакінуў прысуд у сіле, але тэрмін турэмнага зьняволеньня скараціў да сямі гадоў.
Вольга Класкоўская асуджаная 23 жніўня 2013 году за замах на забойства цяпер ужо былога мужа Гёкая Безгіна. Ёй прысудзілі восем гадоў турэмнага зьняволеньня і грашовую кампэнсацыю 110 тысяч швэдзкіх крон на карысьць былога мужа. 5 лістапада Апэляцыйны суд Стакгольму пакінуў прысуд у сіле, але тэрмін турэмнага зьняволеньня скараціў да сямі гадоў.