Сёньня заканчваюцца 10 сутак утрыманьня пад вартай Антона Сурапіна. Пасьля гэтага яму мусяць альбо прад’явіць абвінавачаньне, альбо адпусьціць на волю.Сурапін першым выклаў у інтэрнэт здымкі плюшавых мядзьведзікаў, якіх скінулі швэды падчас пралёту над Івянцом і на ўскраіне Менску 4 ліпеня.
20-гадовы сябра «Беларускай асацыяцыі журналістаў», студэнт 4 курса Інстытута журналістыкі БДУ Антон Сурапін быў затрыманы 13 ліпеня пасьля ператрусу на яго кватэры на 72 гадзіны. Пасьля заканчэньня гэтага тэрміну да журналіста прымянілі меру стрыманьня ў выглядзе ўтрыманьня пад вартай на 10 сутак (з моманту затрыманьня).
Першы допыт журналіста адбыўся 16 ліпеня. 17 ліпеня дзяжурны адвакат, які прысутнічаў допыце, сказаў бацькам Антона, што іх сын затрыманы ў межах расьсьледаваньня крымінальнай справы аб незаконным перасячэньні дзяржаўнай мяжы Беларусі, зьдзейсьненым арганізаванай групай асобаў (арт. 371 ч.3 Крымінальанга кодэксу).
Антона падазраюць у спрыяньні гэтым злачынным дзеяньням (арт.16 Крымінальнага кодэксу), грунтуючыся на разьмешчаных ім у інтэрнэце фота швэдзкіх мядзьведзікаў. Антон Сурапін пісаў у гэтым матэрыяле, што фота даслаў яму па электроннай пошце невядомы, паведамляе прэс-служба БАЖ.
Першы допыт журналіста адбыўся 16 ліпеня. 17 ліпеня дзяжурны адвакат, які прысутнічаў допыце, сказаў бацькам Антона, што іх сын затрыманы ў межах расьсьледаваньня крымінальнай справы аб незаконным перасячэньні дзяржаўнай мяжы Беларусі, зьдзейсьненым арганізаванай групай асобаў (арт. 371 ч.3 Крымінальанга кодэксу).
Антона падазраюць у спрыяньні гэтым злачынным дзеяньням (арт.16 Крымінальнага кодэксу), грунтуючыся на разьмешчаных ім у інтэрнэце фота швэдзкіх мядзьведзікаў. Антон Сурапін пісаў у гэтым матэрыяле, што фота даслаў яму па электроннай пошце невядомы, паведамляе прэс-служба БАЖ.