Расея наклала вэта на праект рэзалюцыі Рады Бясьпекі ААН па Сырыі, які заклікае да міжнародных санкцый супраць рэжыму Башара Асада, перадае Інтэрфакс.
У ходзе пасяджэньня Рады Бясьпекі за гэтую рэзалюцыю выказаліся 11 чальцоў, супраць – двое (РФ і КНР), яшчэ двое ўстрымаліся.
Праект рэзалюцыі па Сырыі, які адкрываў дарогу да санкцыяў, быў унесены Францыяй, Нямеччынай, Партугаліяй, Вялікабрытаніяй і ЗША.
Заблякаваная рэзалюцыя падаўжала мандат назіральнікаў ААН, які заканчваецца ў пятніцу, на 45 дзён. Ня выключана, што цяпер ім давядзецца пакінуць краіну.
Міністар замежных спраў Брытаніі Ўільям Хейг назваў пазыцыю Расеі і Кітаю «недаравальнай».
«Калі дайшло да таго, каб на практыцы ўвасобіць падтрыманыя імі пагадненьні, яны адышлі ў бок. Яны павярнуліся сьпінай да народу Сырыі ў самы цяжкі для яго час», – заявіў кіраўнік Форын-офісу журналістам у Лёндане.
Ён дадаў, што імідж Расеі і Кітаю сярод краін Блізкага Ўсходу моцна пацярпіць з-за гэтага рашэньня.
Тым часам, як перадае Бі-бі-сі, сілы паўстанцаў атакавалі галоўную ўправу паліцыі ў Дамаску, пра што паведамляюць відавочцы.
«Апошнюю гадзіну былі чутныя пастаянныя аўтаматныя чэргі. Цяпер яны сьціхаюць, але вуліцы вакол па-ранейшаму бязьлюдныя», – паведаміў агенцтву Рэйтэр адзін з жыхароў раёну, дзе знаходзіцца ўправа паліцыі.
Амбасадарка ЗША пры ААН Сьюзан Райс назвала вета, накладзенае Расеяй і Кітаем на рэзалюцыю «яшчэ больш небясьпечным і вартым шкадаваньня, чым папярэднія два».
Прэзыдэнт Сырыі Башар Асад першы раз за апошнія два дні зьявіўся на экранах дзяржаўнага тэлебачаньня, перадае агенцтва France-Presse.
Як вынікала з камэнтара вядучага, кіраўнік дзяржавы прымаў прысягу ў новага міністра абароны краіны Фахада Джасіма аль-Фрэйджа. Цырымонія была сьціплай і прайшла за некалькі хвілін.
Мяркуючы з інтэр'ераў памяшканьня, у якім праходзіла цырымонія, Асад сапраўды знаходзіцца ў сваім палацы ў Дамаску, а не ў Латакіі, як паведамлялі лідэры паўстанцаў.
Спэкуляцыі адносна стану здароўя і месца знаходжаньня прэзыдэнта пачаліся яшчэ 18 ліпеня, калі ў выніку выбуху былі забітыя чатыры яго блізкія паплечнікі, якія адказвалі за здушэньне паўстаньня. У ліку іншых быў забіты і папярэдні міністар абароны Дауд Раджыха, на зьмену якому і прыйшоў Фрэйдж.
Раней чуткі пра ад'езд са сталіцы Асада і яго сям'і абверг пасол Сырыі ў Расеі Рыяд Хадад. Ён, у прыватнасьці, заявіў, што няма ніякіх падстаў казаць пра тое, што жонка прэзыдэнта – Асма Асад – знаходзіцца ў Маскве.
У ходзе пасяджэньня Рады Бясьпекі за гэтую рэзалюцыю выказаліся 11 чальцоў, супраць – двое (РФ і КНР), яшчэ двое ўстрымаліся.
Праект рэзалюцыі па Сырыі, які адкрываў дарогу да санкцыяў, быў унесены Францыяй, Нямеччынай, Партугаліяй, Вялікабрытаніяй і ЗША.
Заблякаваная рэзалюцыя падаўжала мандат назіральнікаў ААН, які заканчваецца ў пятніцу, на 45 дзён. Ня выключана, што цяпер ім давядзецца пакінуць краіну.
Міністар замежных спраў Брытаніі Ўільям Хейг назваў пазыцыю Расеі і Кітаю «недаравальнай».
«Калі дайшло да таго, каб на практыцы ўвасобіць падтрыманыя імі пагадненьні, яны адышлі ў бок. Яны павярнуліся сьпінай да народу Сырыі ў самы цяжкі для яго час», – заявіў кіраўнік Форын-офісу журналістам у Лёндане.
Ён дадаў, што імідж Расеі і Кітаю сярод краін Блізкага Ўсходу моцна пацярпіць з-за гэтага рашэньня.
Тым часам, як перадае Бі-бі-сі, сілы паўстанцаў атакавалі галоўную ўправу паліцыі ў Дамаску, пра што паведамляюць відавочцы.
«Апошнюю гадзіну былі чутныя пастаянныя аўтаматныя чэргі. Цяпер яны сьціхаюць, але вуліцы вакол па-ранейшаму бязьлюдныя», – паведаміў агенцтву Рэйтэр адзін з жыхароў раёну, дзе знаходзіцца ўправа паліцыі.
Амбасадарка ЗША пры ААН Сьюзан Райс назвала вета, накладзенае Расеяй і Кітаем на рэзалюцыю «яшчэ больш небясьпечным і вартым шкадаваньня, чым папярэднія два».
Прэзыдэнт Сырыі Башар Асад першы раз за апошнія два дні зьявіўся на экранах дзяржаўнага тэлебачаньня, перадае агенцтва France-Presse.
Як вынікала з камэнтара вядучага, кіраўнік дзяржавы прымаў прысягу ў новага міністра абароны краіны Фахада Джасіма аль-Фрэйджа. Цырымонія была сьціплай і прайшла за некалькі хвілін.
Мяркуючы з інтэр'ераў памяшканьня, у якім праходзіла цырымонія, Асад сапраўды знаходзіцца ў сваім палацы ў Дамаску, а не ў Латакіі, як паведамлялі лідэры паўстанцаў.
Спэкуляцыі адносна стану здароўя і месца знаходжаньня прэзыдэнта пачаліся яшчэ 18 ліпеня, калі ў выніку выбуху былі забітыя чатыры яго блізкія паплечнікі, якія адказвалі за здушэньне паўстаньня. У ліку іншых быў забіты і папярэдні міністар абароны Дауд Раджыха, на зьмену якому і прыйшоў Фрэйдж.
Раней чуткі пра ад'езд са сталіцы Асада і яго сям'і абверг пасол Сырыі ў Расеі Рыяд Хадад. Ён, у прыватнасьці, заявіў, што няма ніякіх падстаў казаць пра тое, што жонка прэзыдэнта – Асма Асад – знаходзіцца ў Маскве.