Нагодаю для звароту Беларускага Хэльсынскага камітэту ў Генпракуратуру стала інфармацыя, пададзеная жонкаю экс-кандыдата ў прэзыдэнты Андрэя Саньнікава Ірынаю Халіп на прэсавай канфэрэнцыі ў Менску 25 студзеня.
Як паведамлялася, Халіп заявіла, што ў адносінах да Саньнікава ў турмах практыкуюцца катаваньні, а таксама абмяжоўваецца яго права на ліставаньне. Жонка палітвязьня таксама паінфармавала, што што гвалтам і пагрозамі 20 лістапада Саньнікава вымусілі напісаць прашэньне аб памілаваньні на імя Аляксандра Лукашэнкі.
У сувязі з памянёнай інфармацыяй Беларускі Хэльсынскі камітэт выказвае глыбокую заклапочанасьць.
БХК накіраваў у Генэральную пракуратуру зварот з просьбаю правесьці праверку зьвестак аб ужываньні ў дачыненьні да Саньнікава катаванняў, даць публічную інфармацыю па выніках праверкі і прыняць у разе неабходнасьці меры пракурорскага рэагаваньня.
«Паколькі Андрэй Саньнікаў знаходзіцца ў зьняволеньні і яго магчымасьці абараняць свае правы, распаўсюджваць інфармацыю беспасярэдне залежаць ад адміністрацыі, варта зыходзіць з прэзумпцыі даверу да зьвестак аб парушэньні правоў, якія зьмяшчаюцца ў скаргах яго або ягоных прадстаўнікоў і сваякоў. Адпаведна дзяржава ў асобе сваіх органаў нясе абавязак асабліва ўважлівай праверкі такіх зьвестак», — гаворыцца ў звароце БХК.
***
Вядома, што пры канцы мінулага тыдня Андрэя Саньнікава з памяшканьня камэрнага тыпу перавялі ў сёмы атрад калёніі «Віцьба-3». Цяпер ён можа хадзіць на прагулкі на сьвежае паветра і кантактаваць зь іншымі палітвязьнямі.
14 траўня 2011 году суд Партызанскага раёну Менску прысудзіў Андрэю Саньнікаву пяць гадоў пазбаўленьня волі ў калёніі ўзмоцненага рэжыму. Палітыка прызналі вінаватым «у арганізацыі масавых непарадкаў» 19 сьнежня 2010 году.
Зь ліпеня Саньнікаў адбываў пакараньне ў калёніі ў Наваполацку, аднак праз два месяцы яго без тлумачэньняў перавялі ў бабруйскую калёнію № 2. У лістападзе палітвязьня этапавалі ў «Віцьбу-3». 30 студзеня суд Віцебскага раёну мае разгледзець скаргу адвакатаў Саннікава на дзеяньні адміністрацыі калёніі. Падставаю для скаргі сталі незаконныя, як лічаць адвакаты, адмовы кіраўніцтва калёніі даць ім спатканьне зь іх падабаронным.
Як паведамлялася, Халіп заявіла, што ў адносінах да Саньнікава ў турмах практыкуюцца катаваньні, а таксама абмяжоўваецца яго права на ліставаньне. Жонка палітвязьня таксама паінфармавала, што што гвалтам і пагрозамі 20 лістапада Саньнікава вымусілі напісаць прашэньне аб памілаваньні на імя Аляксандра Лукашэнкі.
У сувязі з памянёнай інфармацыяй Беларускі Хэльсынскі камітэт выказвае глыбокую заклапочанасьць.
БХК накіраваў у Генэральную пракуратуру зварот з просьбаю правесьці праверку зьвестак аб ужываньні ў дачыненьні да Саньнікава катаванняў, даць публічную інфармацыю па выніках праверкі і прыняць у разе неабходнасьці меры пракурорскага рэагаваньня.
«Паколькі Андрэй Саньнікаў знаходзіцца ў зьняволеньні і яго магчымасьці абараняць свае правы, распаўсюджваць інфармацыю беспасярэдне залежаць ад адміністрацыі, варта зыходзіць з прэзумпцыі даверу да зьвестак аб парушэньні правоў, якія зьмяшчаюцца ў скаргах яго або ягоных прадстаўнікоў і сваякоў. Адпаведна дзяржава ў асобе сваіх органаў нясе абавязак асабліва ўважлівай праверкі такіх зьвестак», — гаворыцца ў звароце БХК.
***
Вядома, што пры канцы мінулага тыдня Андрэя Саньнікава з памяшканьня камэрнага тыпу перавялі ў сёмы атрад калёніі «Віцьба-3». Цяпер ён можа хадзіць на прагулкі на сьвежае паветра і кантактаваць зь іншымі палітвязьнямі.
14 траўня 2011 году суд Партызанскага раёну Менску прысудзіў Андрэю Саньнікаву пяць гадоў пазбаўленьня волі ў калёніі ўзмоцненага рэжыму. Палітыка прызналі вінаватым «у арганізацыі масавых непарадкаў» 19 сьнежня 2010 году.
Зь ліпеня Саньнікаў адбываў пакараньне ў калёніі ў Наваполацку, аднак праз два месяцы яго без тлумачэньняў перавялі ў бабруйскую калёнію № 2. У лістападзе палітвязьня этапавалі ў «Віцьбу-3». 30 студзеня суд Віцебскага раёну мае разгледзець скаргу адвакатаў Саннікава на дзеяньні адміністрацыі калёніі. Падставаю для скаргі сталі незаконныя, як лічаць адвакаты, адмовы кіраўніцтва калёніі даць ім спатканьне зь іх падабаронным.