Заканадаўчыя акты адносна «ўдасканаленьня» нацыянальнага сэгмэнту сеткі Інтэрнэт у Беларусі пачнуць дзейнічаць толькі праз тыдзень, аднак апрабацыя асобных пунктаў прэзыдэнцкага ўказу і ўрадавай пастановы ўжо пачалася. Пра гэта гавораць прадстаўнікі інтэрнэт-супольнасьці, якія сутыкнуліся са спробамі спаралізаваць іх дзейнасьць звонку. Асабліва гэта стала заўважна падчас палітычных спрэчак паміж кіраўнікамі Беларусі і Расеі ў так званай «газавай вайне».
Апошнімі днямі кожная раніца для вэб-каманды сайту «Хартыя-97» пачынаецца амаль аднолькава — са спробы высьветліць, чаму гэтым разам «ляжыць» інтэрнэт-рэсурс? Напярэдадні з-за масіраванай DOS-атакі старонка «Хартыі» не загружалася зусім альбо грузілася надзвычай марудна. Хакерская атака здарылася якраз тады, калі на сайце павінна была зьявіцца анансаваная стэнаграма гутаркі патэнцыйнага кандыдата ў прэзыдэнты Андрэя Саньнікава ў студыі радыёстанцыі «Эхо Москвы» і тэлеканалу RTVi. Аналягічныя праблемы былі і сёньня.
Падчас учорашняга высьвятленьня «газавых» адносінаў паміж расейскімі і беларускімі чыноўнікамі чытачам было складана наведваць старонку газэты «Наша ніва». «Трасе» сяды-тады і іншыя сайты дэмакратычнай скіраванасьці. Прэс-служба «Маладога фронту» распаўсюдзіла інфармацыю пра атаку на іхныя сайты: «Пакуль беларускае грамадзтва абмяркоўвае праблемы ўвядзеньня ўказу № 60, улада робіць першыя крокі па абмежаваньні свабоды ў сеціве», — гаворыцца ў заяве. — «Аднымі зь першых пад уплыў указу (альбо пад свавольнасьць спэцслужбаў) патрапілі маладафронтаўцы».
Ад пачатку чэрвеня пачаліся праблемы ў працы сайту mfront.net, абнаўленьне старонкі стала практычна немагчымым. Меркаваньні, што гэта тэхнічныя непаладкі на сэрвэры ці праграмныя памылкі ў скрыптах, давялося адкінуць — высьветлілася, што праблемы выкліканы ўмяшаньнем звонку. Пашкоджана база дадзеных і цалкам выдалена адміністрацыйная частка сайту. З разьдзелу апошніх навінаў на mfront.net цалкам зьнік матэрыял «Стоп бэнзін. Мы ня дойныя каровы». Вось што расказалі ў прэсавай службе арганізацыі:
«Сайт Салігорскага „Маладога фронту“ saligorsk.org. выдалены з-за вірусаў. Што тычыцца сайту mfront.net, то бачна, што нехта звонку ўмяшаўся. Праўда, неяк ня хочацца казаць з упэўненасьцю, што гэта спэцслужбы ці крывавы рэжым. Але бачна, што нехта звонку сайт пашкодзіў».
Карэспандэнт: «Падчас акцыяў праблемы з сайтам больш адчувальныя?»
«Было такое, што сайт не адчыняўся, быў заблякаваны, але праз проксі-сэрвэры быў даступны. Прыкладам, 8 чэрвеня, ці што, тут правяралі нейкія глушылкі кітайскія ці нешта іншае, але ў Беларусі шмат у каго не паказваліся малюнкі з нашага сайту. Пры тым, што ў карыстальнікаў за межамі Беларусі было ўсё нармальна, а ў нас — вось такія глюкі. Дарэчы, у той дзень не адчыняліся і шмат якія іншыя сайты».
У сваім блогу вядомы інтэрнэт-спэцыяліст Юрый Зісер піша, што спроба цэнзураваньня інтэрнэту можа мець для краіны непажаданыя наступствы. Так, у праекце Палажэньня аб парадку абмежаваньня доступу карыстальнікаў інтэрнэт-паслугаў да інфармацыі, якая забароненая да распаўсюду ў адпаведнасьці з заканадаўчымі актамі, прадугледжваецца так званая кантэнт-фільтрацыя. Ці, як часам яе яшчэ называюць, — «кітайскі фаервол». Навошта гэта робіцца — нескладаная задача. Як удакладняе спадар Зісер, апэратыўнікам і кампутарным інжынэрам так нашмат зручней працаваць — тэхнічна прасьцей аднойчы зафільтраваць тэкст паведамленьня патэнцыйнага «тэрарыста», чым зьмяшчаць у чорны сьпіс усе URL-адрасы, дзе гэтае паведамленьне надрукаванае. Як піша адмыслоўца, «кітайскі фаервол» — гэта чырвоная ануча для любога інвэстара: «Такое можа дазволіць сабе Кітай зь ягонай эканамічнай магутнасьцю. Аднак наіўна думаць, што „кітайскі фаервол“ даруюць Беларусі».
Дарэчы, праваабарончая арганізацыя «Рэпартэры бязь межаў», якая назірае за свабодай слова ў інтэрнэце ў розных дзяржавах, складаючы на падставе гэтых зьвестак сьпіс краінаў — ворагаў інтэрнэту, сьведчыць, што ў апошнія гады гэты сьпіс папаўняецца амаль выключна краінамі, у якіх дзейнічае кантэнт-фільтрацыя.
На сёньня анансаваны мітынг супраць прэзыдэнцкага ўказу № 60, які ініцыявалі актывісты нацыянал-бальшавіцкага руху. У якім фармаце заплянаваная акцыя — арганізатары пакуль не паведамляюць: Менгарвыканкам не дазволіў заяўнікам правесьці мерапрыемства на плошчы Свабоды на той падставе, што сваімі дзеяньнямі яны будуць перашкаджаць мінакам і транспарту. Нягледзячы на забарону, нацыянал-бальшавікі маюць намер правесьці акцыю, няхай нават адступіўшыся ад першапачатковай задумы. Нагадаем, што 10 чэрвеня на сталічнай плошчы Бангалор ужо адбылася нешматлюдная акцыя нацыянал-бальшавікоў, дазволеная гарадзкімі ўладамі.
Падчас учорашняга высьвятленьня «газавых» адносінаў паміж расейскімі і беларускімі чыноўнікамі чытачам было складана наведваць старонку газэты «Наша ніва». «Трасе» сяды-тады і іншыя сайты дэмакратычнай скіраванасьці. Прэс-служба «Маладога фронту» распаўсюдзіла інфармацыю пра атаку на іхныя сайты: «Пакуль беларускае грамадзтва абмяркоўвае праблемы ўвядзеньня ўказу № 60, улада робіць першыя крокі па абмежаваньні свабоды ў сеціве», — гаворыцца ў заяве. — «Аднымі зь першых пад уплыў указу (альбо пад свавольнасьць спэцслужбаў) патрапілі маладафронтаўцы».
Ад пачатку чэрвеня пачаліся праблемы ў працы сайту mfront.net, абнаўленьне старонкі стала практычна немагчымым. Меркаваньні, што гэта тэхнічныя непаладкі на сэрвэры ці праграмныя памылкі ў скрыптах, давялося адкінуць — высьветлілася, што праблемы выкліканы ўмяшаньнем звонку. Пашкоджана база дадзеных і цалкам выдалена адміністрацыйная частка сайту. З разьдзелу апошніх навінаў на mfront.net цалкам зьнік матэрыял «Стоп бэнзін. Мы ня дойныя каровы». Вось што расказалі ў прэсавай службе арганізацыі:
«Сайт Салігорскага „Маладога фронту“ saligorsk.org. выдалены з-за вірусаў. Што тычыцца сайту mfront.net, то бачна, што нехта звонку ўмяшаўся. Праўда, неяк ня хочацца казаць з упэўненасьцю, што гэта спэцслужбы ці крывавы рэжым. Але бачна, што нехта звонку сайт пашкодзіў».
Карэспандэнт: «Падчас акцыяў праблемы з сайтам больш адчувальныя?»
«Было такое, што сайт не адчыняўся, быў заблякаваны, але праз проксі-сэрвэры быў даступны. Прыкладам, 8 чэрвеня, ці што, тут правяралі нейкія глушылкі кітайскія ці нешта іншае, але ў Беларусі шмат у каго не паказваліся малюнкі з нашага сайту. Пры тым, што ў карыстальнікаў за межамі Беларусі было ўсё нармальна, а ў нас — вось такія глюкі. Дарэчы, у той дзень не адчыняліся і шмат якія іншыя сайты».
Такое можа дазволіць сабе Кітай зь ягонай эканамічнай магутнасьцю. Аднак наіўна думаць, што „кітайскі фаервол“ даруюць Беларусі.
Дарэчы, праваабарончая арганізацыя «Рэпартэры бязь межаў», якая назірае за свабодай слова ў інтэрнэце ў розных дзяржавах, складаючы на падставе гэтых зьвестак сьпіс краінаў — ворагаў інтэрнэту, сьведчыць, што ў апошнія гады гэты сьпіс папаўняецца амаль выключна краінамі, у якіх дзейнічае кантэнт-фільтрацыя.
На сёньня анансаваны мітынг супраць прэзыдэнцкага ўказу № 60, які ініцыявалі актывісты нацыянал-бальшавіцкага руху. У якім фармаце заплянаваная акцыя — арганізатары пакуль не паведамляюць: Менгарвыканкам не дазволіў заяўнікам правесьці мерапрыемства на плошчы Свабоды на той падставе, што сваімі дзеяньнямі яны будуць перашкаджаць мінакам і транспарту. Нягледзячы на забарону, нацыянал-бальшавікі маюць намер правесьці акцыю, няхай нават адступіўшыся ад першапачатковай задумы. Нагадаем, што 10 чэрвеня на сталічнай плошчы Бангалор ужо адбылася нешматлюдная акцыя нацыянал-бальшавікоў, дазволеная гарадзкімі ўладамі.