Крымінальны суд Тайлянду ўхваліў запыт аддзелу па барацьбе са злачыннасьцю аб тым, каб падоўжыць яшчэ на 12 сутак арышт пяцёх чалавек экіпажу транспартнага самалёта, які накіроўваўся з Паўночнай Карэі з грузам зброі і сеў у Тайляндзе на дазапраўку.
Пад вартай працягваюць знаходзіцца грамадзянін Беларусі Міхаіл Петухоў, грамадзяне Казахстану Віктар Абдулаеў, Віталь Шумкоў, Аляксандар Зрыбнер і Ільяс Ісакаў, перадае Інтэрфакс са спасылкай на газэту "Бангкок пост".
Інтэрнэт-старонка выданьня падае, што цяпер затрыманыя знаходзяцца ў спэцыяльнай турме Бангкоку.
Паводле крыніцаў "Бангкок пост", дыпляматы Казахстану і Беларусі ў Тайландзе ўжо прызначылі адвакатаў пілётам, якія абвінавачваюцца ў незаконным валоданьні зброяй.
Раней МЗС Беларусі пацьвердзіла, што ў складзе экіпажу затрыманага ў Тайляндзе самалёта са зброяй знаходзіцца грамадзянін Беларусі.
Самалёт Іл-76 (бартавы нумар 4L-AWA) з амаль 40 тонамі зброі, у тым ліку ручнымі гранатамётамі і пераноснымі зэнітна-ракетнымі комплексамі, затрыманы 12 сьнежня ў аэрапорце Дон Мыанг у Бангкоку, дзе прызямліўся на дазапраўку.
Інтэрнэт-старонка выданьня падае, што цяпер затрыманыя знаходзяцца ў спэцыяльнай турме Бангкоку.
Паводле крыніцаў "Бангкок пост", дыпляматы Казахстану і Беларусі ў Тайландзе ўжо прызначылі адвакатаў пілётам, якія абвінавачваюцца ў незаконным валоданьні зброяй.
Раней МЗС Беларусі пацьвердзіла, што ў складзе экіпажу затрыманага ў Тайляндзе самалёта са зброяй знаходзіцца грамадзянін Беларусі.
Самалёт Іл-76 (бартавы нумар 4L-AWA) з амаль 40 тонамі зброі, у тым ліку ручнымі гранатамётамі і пераноснымі зэнітна-ракетнымі комплексамі, затрыманы 12 сьнежня ў аэрапорце Дон Мыанг у Бангкоку, дзе прызямліўся на дазапраўку.