Прадстаўнікі экалягічных грамадзкіх арганізацый заяўляюць, што падрыхтаваныя беларускім навукова-дасьледчым інстытутам энэргетычнай прамысловасьці матэрыялы наконт магчымага ўзьдзеяньня на навакольнае асяродзьдзе Беларускай АЭС насамрэч ёсьць некрытычным паўтарэньнем рэклямных матэрыялаў расейскай атамнай прамысловасьці. Эколягі настойваюць на навуковым і грамадзкім абмеркаваньні будаўніцтва АЭС у Беларусі.
Прадстаўнікі Беларускай партыі “Зялёныя”, “Экадом”, менскага аб’яднаньня эколягаў, навукоўцы і лідэр расейскай групы “Экозащита!” падчас прэсавай канфэрэнцыі заявілі, што будуць дабівацца, каб афіцыйныя матэрыялы пра магчымае ўзьдзеяньне на навакольнае асяродзьдзе Беларускай АЭС прызналі несапраўднымі.
Эколягі падрыхтавалі свае крытычныя заўвагі на афіцыйны даклад. У прыватнасьці яны ўказваюць на тое, што аўтары істотна занізілі выкіды падчас аварый, не прадугледжаныя мерапрыемствы абароны насельніцтва, не абгрунтаваны выбар расейскага праекту АЭС-2006, няма сыстэмы абыходжаньня з радыёактыўнымі адкідамі ды шэраг іншых заўвагаў. Апроч таго, эколягі абвінавачваюць складальнікаў дакладу ў наўмыснай дэзінфармацыі наконт найбольш небясьпечных адкідаў — адпрацаванага ядзернага паліва.
Эколягі патрабуюць, каб адпаведны даклад зрабілі навуковыя экспэрты. Яны настойваюць, што пасьля гэтага трэба дамагчыся шырокага грамадзкага абмеркаваньня праблемы.
Лідэр расейскай групы “Экозащита!” Андрэй Ажароўскі паведаміў, што атрымаў адказ зь беларускага Міністэрства энэргарэсурсаў. Ён лічыць гэта пазытыўным знакам, які дае падставы для аптымізму ў справе дыялёгу з уладамі.
“Мы дзейнічаем у прававым полі, якое тут існуе. Прапанова першая — адклікаць ОВОЗ (пра магчымае ўзьдзеяньне на навакольнае асяродзьдзе Беларускай АЭС) і спыніць вось гэтую тэатралізаваную працэдуру абмеркаваньня. Спыніць прапіхваньне любым коштам неіснуючых ідэй, неіснуючага праекту.
Калі гэтую прапанову не падтрымаюць, то толькі ў такім выпадку мы будзем праводзіць незалежную экалягічную экспэртызу з прыцягненьнем экспэртаў.
Канчатковая мэта пры гэтым не спыняецца — мы хочам прынцыпова крытыкаваць прыняты праект. Складаныя пытаньні энэргетыкі мусяць дасьледавацца з усіх бакоў. Меркаваньне апанэнтаў мусяць пачуць”.
Эколяг Тацяна Новікава паведаміла, што грамадзкія арганізацыі будуць дамагацца, каб у Дзяржаўную экалягічную экспэртызу ўвайшоў прадстаўнік эколягаў.
Сябра менскага аб’яднаньня эколягаў Яўген Шырокаў паведаміў, што эколягі раней распрацавалі альтэрнатыўную энэргетычную стратэгію, якая грунтуецца на досьведзе Заходняй Эўропы.
“Больш за тое, там ёсьць частка, якая тлумачыць, што ў нас будзе адбывацца да 2012 году ў зьвязку з тымі рэформамі, якія вылучаюцца для ўваходу ў Сусьветную гандлёвую арганізацыю. Справа ў тым, што выклікі, зь якімі сутыкнецца наша краіна бліжэйшым часам, будуць сур’ёзнымі. Нам трэба рэагаваць вельмі хутка, інакш мы будзем ля разьбітага карыта. Станцыя будуецца 12 гадоў, а сытуацыя эканамічная стане невясёлая праз два гады”.
Эколягі казалі, што прыцягнулі замежных партнэраў і навуковых экспэртаў да сумеснай працы. Яны выказалі занепакоенасьць тым, як у Беларусі вядзецца грамадзкае абмеркаваньне плянаў будаўніцтва АЭС. Яны лічаць, што пры гэтым сыстэматычна парушаецца беларускае і міжнароднае заканадаўства. Паводле прадстаўнікоў грамадзкіх арганізацый сход, які адбыўся 9 кастрычніка ў Астраўцы ёсьць яскравым прыкладам гэтага.
Тады сход арганізоўвала дырэкцыя будаўніцтва АЭС. Эколягаў не пусьцілі ў будынак. Супрацоўнікі міліцыі і АМАП затрымалі некалькі чалавек. Расейскага эколяга Андрэя Ажароўскага пакаралі арыштам.
Эколягі падрыхтавалі свае крытычныя заўвагі на афіцыйны даклад. У прыватнасьці яны ўказваюць на тое, што аўтары істотна занізілі выкіды падчас аварый, не прадугледжаныя мерапрыемствы абароны насельніцтва, не абгрунтаваны выбар расейскага праекту АЭС-2006, няма сыстэмы абыходжаньня з радыёактыўнымі адкідамі ды шэраг іншых заўвагаў. Апроч таго, эколягі абвінавачваюць складальнікаў дакладу ў наўмыснай дэзінфармацыі наконт найбольш небясьпечных адкідаў — адпрацаванага ядзернага паліва.
Эколягі патрабуюць, каб адпаведны даклад зрабілі навуковыя экспэрты. Яны настойваюць, што пасьля гэтага трэба дамагчыся шырокага грамадзкага абмеркаваньня праблемы.
Лідэр расейскай групы “Экозащита!” Андрэй Ажароўскі паведаміў, што атрымаў адказ зь беларускага Міністэрства энэргарэсурсаў. Ён лічыць гэта пазытыўным знакам, які дае падставы для аптымізму ў справе дыялёгу з уладамі.
“Мы дзейнічаем у прававым полі, якое тут існуе. Прапанова першая — адклікаць ОВОЗ (пра магчымае ўзьдзеяньне на навакольнае асяродзьдзе Беларускай АЭС) і спыніць вось гэтую тэатралізаваную працэдуру абмеркаваньня. Спыніць прапіхваньне любым коштам неіснуючых ідэй, неіснуючага праекту.
Калі гэтую прапанову не падтрымаюць, то толькі ў такім выпадку мы будзем праводзіць незалежную экалягічную экспэртызу з прыцягненьнем экспэртаў.
Канчатковая мэта пры гэтым не спыняецца — мы хочам прынцыпова крытыкаваць прыняты праект. Складаныя пытаньні энэргетыкі мусяць дасьледавацца з усіх бакоў. Меркаваньне апанэнтаў мусяць пачуць”.
Эколяг Тацяна Новікава паведаміла, што грамадзкія арганізацыі будуць дамагацца, каб у Дзяржаўную экалягічную экспэртызу ўвайшоў прадстаўнік эколягаў.
Сябра менскага аб’яднаньня эколягаў Яўген Шырокаў паведаміў, што эколягі раней распрацавалі альтэрнатыўную энэргетычную стратэгію, якая грунтуецца на досьведзе Заходняй Эўропы.
“Больш за тое, там ёсьць частка, якая тлумачыць, што ў нас будзе адбывацца да 2012 году ў зьвязку з тымі рэформамі, якія вылучаюцца для ўваходу ў Сусьветную гандлёвую арганізацыю. Справа ў тым, што выклікі, зь якімі сутыкнецца наша краіна бліжэйшым часам, будуць сур’ёзнымі. Нам трэба рэагаваць вельмі хутка, інакш мы будзем ля разьбітага карыта. Станцыя будуецца 12 гадоў, а сытуацыя эканамічная стане невясёлая праз два гады”.
Эколягі казалі, што прыцягнулі замежных партнэраў і навуковых экспэртаў да сумеснай працы. Яны выказалі занепакоенасьць тым, як у Беларусі вядзецца грамадзкае абмеркаваньне плянаў будаўніцтва АЭС. Яны лічаць, што пры гэтым сыстэматычна парушаецца беларускае і міжнароднае заканадаўства. Паводле прадстаўнікоў грамадзкіх арганізацый сход, які адбыўся 9 кастрычніка ў Астраўцы ёсьць яскравым прыкладам гэтага.
Тады сход арганізоўвала дырэкцыя будаўніцтва АЭС. Эколягаў не пусьцілі ў будынак. Супрацоўнікі міліцыі і АМАП затрымалі некалькі чалавек. Расейскага эколяга Андрэя Ажароўскага пакаралі арыштам.