Кардынал мае сустрэцца з Аляксандрам Лукашэнкам, праваслаўным мітрапалітам Філарэтам, кіраўніцтвам МЗС і Камітэту па рэлігіях і нацыянальнасьцях, беларускімі вернікамі — рыма-каталікамі і грэка-каталікамі, наведае Горадню і Пінск.
Вернікі і палітыкі не выключаюць, што ў часе гэтага візыту можа пачацца падрыхтоўка да прыезду ў Беларусь папы Бэнэдыкта ХVI.
Кардынала сустрэлі на дзяржаўным узроўні
Кардынал заявіў, сышоўшы з трапа самалёта, што ён прывёз пасланьне ад Папы Рымскага беларускаму народу і мае намер сустрэцца з прадстаўнікамі каталіцкай і праваслаўнай цэркваў у Беларусі, а таксама з прадстаўнікамі ўладаў, "каб абмеркаваць двухбаковыя дачыненьні, ролю і месца Беларусі ў міжнароднай супольнасьці".
Янка Мойсік: Візыт папы, які яшчэ ня быў у Маскве, наўрад ці магчымы ў Беларусь
"Візыт папы, які яшчэ ня быў у Маскве, наўрад ці магчымы ў Беларусь, калі Беларусь так моцна зьвязаная з Масквой. Арцыбіскуп Кандрусевіч ужо даўно запрасіў Папу ў Беларусь. Але папа, на жаль, едзе толькі тады, калі запрашае яго кіраўнік дзяржавы (у нашым выпадку, Лукашэнка) і вядучая царква (у нашым выпадку праваслаўная)".
Камітэт рэлігій абвяргае падпісаньне канкардату
Пры канцы траўня Ўпаўнаважаны ў справах рэлігій і нацыянальнасьцяў Беларусі Леанід Гуляка заявіў, што рыхтуецца падпісаньне канкардату з Ватыканам. Ці можна чакаць, што адмысловае пагадненьне паміж дзяржавамі, якое рэгулюе перадусім рэлігійныя пытаньні, падпішуць ужо ў часе візыту ў Беларусь дзяржсакратара папы Бэнэдыкта XVI, кардынала Тарчызыё Бэртонэ?
- На гэты момант толькі 2 постсавецкія краіны падпісалі канкардат з Ватыканам: Латвія і Літва.
Т. Гавін: Лукашэнку патрэбныя кантакты з Ватыканам для паляпшэньня іміджу
- Паводле зьвестак праваабаронца Алеся Бяляцкага за 2007 год зь Беларусі былі высланыя 6 ксяндзоў і 7 манашак – замежных грамадзянаў і грамадзянак. 5 ксяндзоў і манашкі былі высланыя з Гарадзенскай вобласьці, яшчэ адзін ксёндз – з Рэчыцы.
“Улады зразумелі, што трэба рабіць крокі”
Адказваючы на пытаньне пра магчымую рэакцыю прадстаўнікоў іншым веравызнаньняў на візыт Дзяржаўнага сакратара Ватыкану і на верагоднае падпісаньне пагадненьня з афіцыйнымі ўладамі Беларусі, ксёндз Андрэй запэўнівае: “Нічога не памяняецца. Кожны пастар мае права прыехаць да сваіх авечак. Тут няма ніякай небясьпекі. Гэта будзе лепей для усіх”.
Паводле афіцыйных дадзеных:
- - да праваслаўнай царквы адносяць сябе 75-80% насельніцтва
- - да рымакаталіцкай – 12-17% насельніцтва
- - да пратэстанцкай – каля 2% насельніцтва
С.Касьцян: Візыт Папы Рымскага мог бы адбыцца толькі на дзяржаўным узроўні
“Мы лічым, што Папа Рымскі можа прыехаць як кіраўнік дзяржавы, на дзяржаўным узроўні: сустрэча з прэзыдэнтам, кіраўніком ураду, а пасьля гэтага і зь вернікамі. Але калі ставіць пытаньне, што ён захоча сустрэцца толькі зь вернікамі, то мы адкажам, што ў нас не большасьць католікаў, а нязначная меншасьць".
***
Бэртонэ быў адным з кардыналаў-выбаршчыкаў, якія ўдзельнічалі ў папскім Канкляве 2005, які абраў Папу Рымскага Бэнэдыкта XVI. У сакавіку 2005 Бэртонэ быў прызначаны кіраваць кампаніяй байкоту папулярнага раману “Код да Вінчы”.
Як багаслоў, Бэртонэ спэцыялізаваўся на дачыненьнях паміж сацыяльнай этыкай, верай і палітыкай, разьвіваў тэзы цярпімасьці і рэлігійнай свабоды, вёў шырокую працу з моладзьдзю.
Ён нарадзіўся 2 сьнежня 1934 году ў Італіі, пятым з васьмі дзяцей. Апрэч італьянскай, валодае ангельскай і партугальскай мовамі.
***
“Ня ўлада хоча зблізіцца з каталікамі, а каталікі хочуць зблізіцца з уладай”
“Я думаю, яны жадаюць пайсьці на збліжэньне зь дзяржавай, каб дасягаць мэтаў, якія паставіў Госпад. Я ня бачу нічога дрэннага ў гэтым. Царква — так, як яе задумаў Госпад — не павінна спрачацца зь дзяржавай, калі дзяржава адпавядае бачаньню Госпада”, — кажа юрыст менскай царквы “Новае жыцьцё” Аб’яднаньня суполак хрысьцянаў поўнага Эвангельля Сяргей Луканін.
Беларускія каталікі моляцца за прыезд Папы Рымскага
З нагоды візыту ў Беларусь Тарчызіё Бэртонэ кіраўнік Беларускага каталіцкага касьцёлу арцыбіскуп Тадэвуш Кандрусевіч выступіў з адмысловым зваротам.
***
29 траўня, прымаючы даверчыя граматы пасла Беларусі ў Ватыкане Сяргея Алейніка, Папа Рымскі заявіў, што Сьвяты прастол працягне падтрымку беларускага народу “ў яго жаданьні ўмацаваць дэмакратычны працэс у якасьці члена вялікай сям'і свабодных і сувэрэнных эўрапейскіх краін”.
Паводле прэсавай службы Сьвятога прастолу, пантыфік заявіў, што “ўсе нацыі кантынэнта, уключаючы беларусаў, закліканы ўнесьці свой уклад у стварэньне агульнага эўрапейскага дома, дзе межы – гэта месца сустрэчы, а не разьдзяляльныя лініі альбо непераадольныя сьцены. Гісторыя, духоўныя і культурныя карані, геаграфія Беларусі прадпісваюць ёй важную ролю ў гэтым працэсе”, – зазначыў Папа Рымскі.
***
Н.Базылевіч: “Няма ніякага пацяпленьня стасункаў”
“Хачу пажартаваць, што толькі дзьве краіны ў Эўропе не ўваходзяць у Раду Эўропы. Гэтыя краіны — Беларусь і Ватыкан. Магчыма, яны сябруюць з гэтай нагоды”, — кажа Наталка Базылевіч, палітоляг, спэцыяліст у пытаньнях рэлігійнай ідэнтычнасьці ў Беларусі, рэдактар парталу “Царква”.
Дзяржсакратар Ватыкану пачынае візыт у Беларусь
Тарчызіё Бэртонэ прылятае ў Менск адмысловым авіярэйсам сёньня ўвечары. Яго будуць сустракаць як прадстаўнікі каталіцкага касьцёлу ў Беларусі, так і афіцыйныя асобы
***
- Дыпляматычныя адносіны паміж Апостальскай сталіцай і Рэспублікай Беларусь былі ўстаноўленыя 11 лістапада 1992 году. Апостальская нунцыятура ў Менску была заснаваная распараджэньнем папы Яна Паўла ІІ. Першым Апостальскім нунцыем у Беларусі быў арцыбіскуп Габрыель Матальва. Свае даверчыя лісты ён перадаў афіцыйнаму Менску 17 кастрычніка 1993 году. З 2004 году і па сёньня прадстаўніком Ватыкану ў Беларусі зьяўляецца арцыбіскуп Марцін Відавіч.