Міністар замежных справаў Беларусі Ўладзімер Макей запрасіў кіраўнікоў акрэдытаваных у Беларусі дыпляматычных місіяў і чальцоў іхных сем’яў на «Дзень беларускай вышыванкі» 25 чэрвеня. Для гасьцей сьвята выступілі беларускія фольк-гурты Pawa і Guda.
Як і большая частка гасьцей, Макей быў не ў традыцыйнай беларускай вышыванай кашулі, а ў стылізаванай «вышымайцы» сучаснага пакрою, упрыгожанай арнамэнтам зь беларускімі матывамі (што праўда, вельмі рэдкага ў беларускім строі васільковага колеру).
Добра, што сёньня мы маем магчымасьць вярнуцца да гісторыі, вярнуцца да нашых каранёў, – сказаў міністар гасьцям, – Я лічу, што нашая сёньняшняя сустрэча – гэта таксама ваш унёсак у разьвіцьцё беларускай ідэнтычнасьці, у разьвіцьцё беларускай дзяржавы».
Міністар таксама падкрэсьліў, што нацыянальныя арнамэнты «яднаюць беларусаў зь іншымі славянскімі народамі», выказаў спадзеў, што традыцыя «дня вышыванкі» будзе разьвівацца.
Сьвята пад назвай «Дзень вышыванкі» прыдумала ў 2014 годзе «Арт-сядзіба», яна жа правяла шэраг такіх акцыяў у розных гарадах Беларусі. Стваральнікі «Арт-сядзібы» таксама стаяць за папулярызацыяй «вышымаек». У 2016 годзе паводле пастановы Савету міністраў свой «Дзень вышыванкі» стаў праводзіць БРСМ. Сёлетні дзяржаўны «Дзень вышыванкі» заплянаваны на 2 чэрвеня.
Як і большая частка гасьцей, Макей быў не ў традыцыйнай беларускай вышыванай кашулі, а ў стылізаванай «вышымайцы» сучаснага пакрою, упрыгожанай арнамэнтам зь беларускімі матывамі (што праўда, вельмі рэдкага ў беларускім строі васільковага колеру).
Добра, што сёньня мы маем магчымасьць вярнуцца да гісторыі, вярнуцца да нашых каранёў, – сказаў міністар гасьцям, – Я лічу, што нашая сёньняшняя сустрэча – гэта таксама ваш унёсак у разьвіцьцё беларускай ідэнтычнасьці, у разьвіцьцё беларускай дзяржавы».
Міністар таксама падкрэсьліў, што нацыянальныя арнамэнты «яднаюць беларусаў зь іншымі славянскімі народамі», выказаў спадзеў, што традыцыя «дня вышыванкі» будзе разьвівацца.
Сьвята пад назвай «Дзень вышыванкі» прыдумала ў 2014 годзе «Арт-сядзіба», яна жа правяла шэраг такіх акцыяў у розных гарадах Беларусі. Стваральнікі «Арт-сядзібы» таксама стаяць за папулярызацыяй «вышымаек». У 2016 годзе паводле пастановы Савету міністраў свой «Дзень вышыванкі» стаў праводзіць БРСМ. Сёлетні дзяржаўны «Дзень вышыванкі» заплянаваны на 2 чэрвеня.
