#Сьцяг: У Менску адзначылі 25 гадоў дзяржаўнага статусу нацыянальнай сымболікі

Акцыя будзе доўжыцца гадзіну, кажа Дашкевіч.

«Для мяне гэта акцыя свабоды», — кажа Алёна, удзельніца акцыі з Гомеля. Яна кажа, што менавіта бел-чырвона-белы сьцяг і «Пагоню» з дзціянства ўспрымае дзяржаўнымі сымбалямі.

Сярод тых, хто трымае сьцяг, актывістка Вольга Мікалайчык, удзельнік студэнцкіх пратэстаў Глеб Вайкуль, прадпрымальнік Алесь Макаеў.

У цэнтры Кастрычніцкай плошчы зь вялікім сьцягам Ніна Багінская. Удзельнікі акцыі пакрыху разыходзяцца.

Удзельнікі акцыі зьбяруцца на Кастрычніцкай плошчы, кажа Зьміцер Дашкевіч. Раней быў плян сабрацца каля Дому ўраду.

Плянуецца завяршэньне акцыі на Кастрычніцкай плошчы. Дашкевіч усталёўвае на плошчы плякат пра бел-чырвона-белы сьцяг.

Удзельнікі акцыі са сьцягамі вяртаюцца на Кастрычніцкую плошчу, утварылася сьвяточная калёна. Далей, кажа Дашкевіч, разыдземся сьвяткаваць па дамах. Скандуюць «Жыве Беларусь!»

Адзін з арганізатараў акцыі Яўген Афнагель кажа, што «сымбалі вернуцца, калі мы будзем змагацца. Мы працягваем змаганьне».

Выступае Дашкевіч, кажа, што хутка бел-чырвона-белы сьцяг стане дзяржаўным сьцягам Беларусі і будзе лунаць над дзяржаўнымі будынкамі. Акцыя завершана, але людзі пакуль не разыходзяцца.

Дашкевіч сказаў, што пачынаецца збор подпісаў за ўключэньне сьцяга ў дзяржаўны сьпіс гісторыка-культурных каштоўнасьцяў.

Акцыя скончылася.

Выніковы фотарэпартаж

• ГУ

Моладзевыя актывісты адзначылі 25-годзьдзе наданьня «Пагоні» і бел-чырвона-беламу сьцягу статусу дзяржаўных сымбаляў акцыяй «Праспэкт нацыянальнага сьцяга» у цэнтры Менску.