У Менску знаходзіцца Ян Юзэф Каспшык, кіраўнік Управы ў справах вэтэранаў і рэпрэсаваных асобаў. Разам зь ім прыехалі польскія вэтэраны. Яны бралі ўдзел ва ўрачыстай цырымоніі ўзнагароджаньня беларусаў ганаровымі знакамі «Bene merito» і «Pro Patria».
17 лістапада польская дэлегацыя разам з амбасадарам Польшчы ў Беларусі Конрадам Паўлікам пабывала ў Курапатах, дзе ўшанавала памяць закатаваных у канцы 1930-х гадоў беларусаў і палякаў.
