Чарнобыльскі шлях – 2013. Жывы рэпартаж

Віталь Рымашэўскі абвяшчае пра завяршэньне мітынгу. Запрашае людзей прайсьці да Чарнобыльскай капліцы, каб ускласьці кветкі й запаліць сьвечкі. Гучыць «Жыве Беларусь!»

Журналісткі «Нашай нівы» знаходзяцца ў пастарунку Савецкага раёну.

Завяршаем відэатрансьляцыю

Ігар Трухановіч у Савецкім РУУСе. Ірыну Сухій, Васіля Сінюхіна, Канстанціна Кірыленку, Вольгу Канавалаву адпусьцілі зь Першамайскага РУУСа.

Мікалай Уласевіч, каардынатар ініцыятывы «Астравецкая АЭС — гэта злачынства», быў затрыманы па дарозе на «Чарнобыльскі шлях» у Менск і правёў некалькі гадзін у міліцэйскім пастарунку ў Маладэчне. Зь ім гутарыў Аляксей Знаткевіч

Каля 30 чалавек прайшлі да Чарнобыльскай капліцы, усклалі кветкі, запалілі зьнічы, пасьля чаго разышліся.

У Магілёве апазыцыя і ўлада паасобку адзначылі гадавіну Чарнобыльскай трагедыі на ўскрайках гораду.

Берасьцейскія сацыял-дэмакраты распаўсюдзілі ў горадзе некалькі соцень тэматычных буклетаў і памятак пра тое, як берагчы здароўе пасьля аварыі на ЧАЭС

Журналістак «Нашай нівы» адпусьцілі з пастарунку.

Выніковы фотарэпартаж
Глядзець фотастужкай вялікага памеру

Барыс Гарэцкі: Затрымалі сябраў БАЖ Генадзя Барбарыча і Аляксандра Ярашэвіча. Знаходзяцца ў Савецкім РУУС.

Генадзя Барбарыча і Аляксандра Ярашэвіча павезьлі на Акрэсьціна. У панядзелак суд

Вясна паведамляе выніковы сьпіс затрыманых 26 красавіка:

Экалагічныя актывісты Ірына Сухій, Васіль Сінюхін, Канстанцін Кірыленка, Вольга Канавалава ў 18.00 былі затрыманыя на кватэры старшыні “Экадом” Ірыны Сухій. У 21. 00 адпушчаныя з Першамайскага РУУС.

Назіральнік-праваабаронца Вячаслаў Дашкевіч у 19.40 быў затрыманы каля Савецкага РУУС.
Анархіст Ігар Трухановіч быў затрыманы каля дома па адрасе вул. Багдановіча, 78, яго моцна збілі, пасля на аўтамабілі Volkswagen (рэгістрацыйны нумар 94 30 ІК-7) даставілі ў Савецкі РУУС. Зараз чакае суда на Акрэсціна.

Журналістак "Нашай Нівы" Ірыну Арахоўскую і Аксану Рудовіч затрымалі падчас таго, як яны здымалі на відэа збіццё Ігара Трухановіча, таксама даставілі ў Савецкі РУУС, у 21. 30 яны былі вызваленыя.

Пасля заканчэння акцыі ў 21.30 былі затрыманыя актывісты "Еўрапейскай Беларусі"Аляксандр Тарнагурскі і Зміцер Чарняк. Чакаюць суда на Акрэсціна.

У 21.45 былі затрыманыя Алена Вітко (пазней вызвалена), Ян Мельнікаў(вызвалены позна ўвечары), Інна Казлоўская (непаўнагадовая, забралі бацькі) і дзяўчына Наста (прозвішча невядомае). Былі дастаўленыя ў Савецкі РУУС.

У 22.30 затрымалі журналістаў беларускага “Радыё Рацыя” Аляксандра Ярашэвіча і Генадзя Барбарыча. Былі дастаўленыя ў Савецкі РУУС. Зараз знаходзяцца ва ІЧУ на Акрэсціна
http://spring96.org/be/news/62907