Людзі б'юцца за валюту ля абменьнікаў

Каля абменных пунктаў валюты ўзьнікаюць бойкі. Міністэрства ўнутраных спраў Беларусі вымушана аддаваць асаблівую ўвагу ахове грамадзкага парадку каля абменьнікаў.

Пра гэта паведаміў першы намесьнік начальніка галоўнага ўпраўленьня па барацьбе з эканамічнымі злачынствамі крымінальнай міліцыі МУС Віктар Сянько, перадае Інтэрфакс.

Ён растлумачыў, што грамадзяне такім чынам часам спрабуюць вырашыць пытаньне чаргі пры набыцьці валюты.