Гомельскі прызыўнік Юры адначасна з завяршэньнем вучобы ў тэхнікуме займаўся на платных падрыхтоўчых курсах у тэхнічным унівэрсытэце імя Сухога. У жніўні Юры меўся паступаць у гэтую вышэйшую навучальную ўстанову. Але на 7 ліпеня яму выпісалі позву ў войска. Раённая прызыўная камісія палічыла, што ў хлопца ўжо ёсьць адукацыя. Распавядае маці прызыўніка:
(Маці: ) “Калі бы прызыў быў з 1 верасьня, ніякіх прэтэнзіяў ці скаргаў не было бы. Мы плацілі за падрыхтоўчыя курсы. Ва ўнівэрсытэце таксама не папярэдзілі, што могуць забраць у войска яшчэ да здачы экзамэнаў. Ну, як я магу ацэньваць дзеяньні прызыўной камісіі? Канечне, адмоўна”.
Палкоўнік Сяргей Крэпкіх з абласнога ваенкамату заяўляе:
(Крэпкіх: ) “Адтэрміноўкі ня мы даем. Паводле закону курсы і ўсё іншыя формы падрыхтоўкі дзеля паступленьня ў навучальныя ўстановы не даюць права на адтэрміноўку. Не сказана пра гэта і сёлетнім указе прэзыдэнта. Адтэрміноўка прадугледжаная толькі для тых, хто займаўся на дзённых падрыхтоўчых аддзяленьнях. Экзамэны супадаюць з прызывам. Мы ж ня можам пераносіць прызыў недзе там на жнівень”.
А вось што мяркуюць самі прызыўнікі наконт мажлівасьці здаць уступныя экзамэны ў інстытут ці ва ўнівэрсытэт, калі юнак адмыслова рыхтаваўся да гэтага:
(Прызыўнік: ) “Адтэрміноўку трэба даць, пакуль экзамэнаў не здадуць”.
(Прызыўнік: ) “Трэба даваць адтэрміноўку для паступленьня ў вышэйшыя навучальныя ўстановы”.
(Прызыўнік: ) “А я лічу, што ня трэба. Кожны прызыўнік павінен абавязкова прайсьці вайсковую службу”.
(Прызыўнік: ) “Трэба даваць адтэрміноўку, няхай паступаюць вучыцца. Калі ўжо не паступіў, тады няхай ідзе служыць”.
Гэткія меркаваньні прызыўнікоў наконт мажлівасьці паступленьня ў навучальныя ўстановы.
(Маці: ) “Калі бы прызыў быў з 1 верасьня, ніякіх прэтэнзіяў ці скаргаў не было бы. Мы плацілі за падрыхтоўчыя курсы. Ва ўнівэрсытэце таксама не папярэдзілі, што могуць забраць у войска яшчэ да здачы экзамэнаў. Ну, як я магу ацэньваць дзеяньні прызыўной камісіі? Канечне, адмоўна”.
Палкоўнік Сяргей Крэпкіх з абласнога ваенкамату заяўляе:
(Крэпкіх: ) “Адтэрміноўкі ня мы даем. Паводле закону курсы і ўсё іншыя формы падрыхтоўкі дзеля паступленьня ў навучальныя ўстановы не даюць права на адтэрміноўку. Не сказана пра гэта і сёлетнім указе прэзыдэнта. Адтэрміноўка прадугледжаная толькі для тых, хто займаўся на дзённых падрыхтоўчых аддзяленьнях. Экзамэны супадаюць з прызывам. Мы ж ня можам пераносіць прызыў недзе там на жнівень”.
А вось што мяркуюць самі прызыўнікі наконт мажлівасьці здаць уступныя экзамэны ў інстытут ці ва ўнівэрсытэт, калі юнак адмыслова рыхтаваўся да гэтага:
(Прызыўнік: ) “Адтэрміноўку трэба даць, пакуль экзамэнаў не здадуць”.
(Прызыўнік: ) “Трэба даваць адтэрміноўку для паступленьня ў вышэйшыя навучальныя ўстановы”.
(Прызыўнік: ) “А я лічу, што ня трэба. Кожны прызыўнік павінен абавязкова прайсьці вайсковую службу”.
(Прызыўнік: ) “Трэба даваць адтэрміноўку, няхай паступаюць вучыцца. Калі ўжо не паступіў, тады няхай ідзе служыць”.
Гэткія меркаваньні прызыўнікоў наконт мажлівасьці паступленьня ў навучальныя ўстановы.