Камісію складаюць два экспэрты, якія прыбылі з Бэльгіі й будуць заставацца ў Менску да 29 чэрвеня. Праца праходзіць у форме слуханьняў, а дзеля захаваньня незалежнасьці й аб’ектыўнасьці экспэрты адмаўляюцца кантаваць з грамадзкасьцю і мэдыямі.
У суботу і нядзелю адбудуцца сустрэчы камісіі з прадстаўнікамі незалежных прафсаюзаў краіны: сьведкамі стануць 25 актывістаў руху. Пра якія факты яны будуць паведамляць, — у інтэрвію Радыё Свабода паведаміў лідэр Свабоднага прафсаюзу Генадзь Быкаў.
(Быкаў: ) “Асноўнае — гэта забарона на прафсаюзы, якая зробленая празь юрыдычны адрас і адсюль нерэгістрацыя структураў. Другое — гэта кантракты, і трэцяе — перасьлед па прафсаюзнай прыкмеце”.
У красавіку ў Менску працавала камісія Міжнароднай арганізацыі працы. Абедзьве дэлегацыі былі створаныя паводле адмысловага звароту Міжнароднай і Эўрапейскай канфэдэрацыяў свабодных прафсаюзаў. Тым часам улады працягваюць перасьлед актывістаў руху, і пра гэта будзе заяўлена камісіі Эўразьвязу, — кажа лідэр незалежнага прафсаюзу Генадзь Фядыніч.
(Фядыніч: ) “Наймальнікі груба ўмешваюцца ў справы і сілавымі сродкамі пераводзяць і пераводзяць сяброў РЭПАМу ў Прафсаюз прамысловасьці, які сёньня падкантрольны Фэдэрацыі і органам улады. Гэта азначае, што кіраўніцтва краіны ігнаруе рэкамэндацыі МАП”.
Камісіія МАП і камісія Эўразьвязу намерваюцца падрыхтаваць выніковыя рэзалюцыі сваёй працы гэтай восеньню. І калі факты парушэньня правоў прафсаюзаў будуць пацьверджаныя, то афіцыйнаму Менску пагражаюць эканамічныя санкцыі з боку краінаў Эўразьвязу, — паведаміў у інтэрвію “Свабодзе” прадстаўнік Міжнароднай канфэдэрацыі свабодных прафсаюзаў Вадзім Барысаў.
(Барысаў: ) “Сам факт накіраваньня камісіі сьведчыць пра тое, што на міжнародным узроўні глыбока заклапочаныя тымі працэсамі, што адбываюцца ў Беларусі: пад сумнеў ставіцца існаваньне дэмакратычных інстытутаў. Беларусь мае льготы ў гандлі з краінамі Эўразьвязу, якія даюцца за выкананьне ўрадам пэўных сацыяльных абавязкаў. Калі ўрад не выконвае свае абавязкі, ён будзе папярэджаны, а ў выпадку невыпраўленьня становішча, натуральна, краіна пазбаўляецца льготаў”, — адзначыў Вадзім Барысаў — прадстаўнік Міжнароднай канфэдэрацыі свабодных прафсаюзаў.
Паводле адмыслоўцаў, гандлёвыя льготы для Беларусі сёньня складаюць сотні мільёнаў эўра.
У суботу і нядзелю адбудуцца сустрэчы камісіі з прадстаўнікамі незалежных прафсаюзаў краіны: сьведкамі стануць 25 актывістаў руху. Пра якія факты яны будуць паведамляць, — у інтэрвію Радыё Свабода паведаміў лідэр Свабоднага прафсаюзу Генадзь Быкаў.
(Быкаў: ) “Асноўнае — гэта забарона на прафсаюзы, якая зробленая празь юрыдычны адрас і адсюль нерэгістрацыя структураў. Другое — гэта кантракты, і трэцяе — перасьлед па прафсаюзнай прыкмеце”.
У красавіку ў Менску працавала камісія Міжнароднай арганізацыі працы. Абедзьве дэлегацыі былі створаныя паводле адмысловага звароту Міжнароднай і Эўрапейскай канфэдэрацыяў свабодных прафсаюзаў. Тым часам улады працягваюць перасьлед актывістаў руху, і пра гэта будзе заяўлена камісіі Эўразьвязу, — кажа лідэр незалежнага прафсаюзу Генадзь Фядыніч.
(Фядыніч: ) “Наймальнікі груба ўмешваюцца ў справы і сілавымі сродкамі пераводзяць і пераводзяць сяброў РЭПАМу ў Прафсаюз прамысловасьці, які сёньня падкантрольны Фэдэрацыі і органам улады. Гэта азначае, што кіраўніцтва краіны ігнаруе рэкамэндацыі МАП”.
Камісіія МАП і камісія Эўразьвязу намерваюцца падрыхтаваць выніковыя рэзалюцыі сваёй працы гэтай восеньню. І калі факты парушэньня правоў прафсаюзаў будуць пацьверджаныя, то афіцыйнаму Менску пагражаюць эканамічныя санкцыі з боку краінаў Эўразьвязу, — паведаміў у інтэрвію “Свабодзе” прадстаўнік Міжнароднай канфэдэрацыі свабодных прафсаюзаў Вадзім Барысаў.
(Барысаў: ) “Сам факт накіраваньня камісіі сьведчыць пра тое, што на міжнародным узроўні глыбока заклапочаныя тымі працэсамі, што адбываюцца ў Беларусі: пад сумнеў ставіцца існаваньне дэмакратычных інстытутаў. Беларусь мае льготы ў гандлі з краінамі Эўразьвязу, якія даюцца за выкананьне ўрадам пэўных сацыяльных абавязкаў. Калі ўрад не выконвае свае абавязкі, ён будзе папярэджаны, а ў выпадку невыпраўленьня становішча, натуральна, краіна пазбаўляецца льготаў”, — адзначыў Вадзім Барысаў — прадстаўнік Міжнароднай канфэдэрацыі свабодных прафсаюзаў.
Паводле адмыслоўцаў, гандлёвыя льготы для Беларусі сёньня складаюць сотні мільёнаў эўра.