Камісія таксама паведаміла, што першапачаткова тэрарысты “Аль-Кайды” плянавалі захапіць 10 рэактыўных самалётаў і абрынуць іх на амэрыканскія аб’екты ў ЗША й Азіі з мэтай прычыніць шкоду эканоміцы Злучаных Штатаў.
Яшчэ напачатку 1999 году Усама Бін Лядэн плянаваў захапіць самалёты і абрынуць іх на Вашынгтон і Нью-Ёрк. Гэтую ідэю яшчэ ў 1996 годзе прапанаваў Бін Лядэну ягоны паплечнік Халід Шэйх Мохамэд, які цяпер знаходзіцца за кратамі. Праз тры гады ў аўганскім горадзе Кандагар лідэр Аль-Кайды ўхваліў гэтую ідэю, і тая сустрэча ў выніку прывяла да трагічных падзеяў 11 верасьня 2001 году, калі загінулі 2 800 чалавек.
Гэты эпізод ёсьць толькі адным з многіх, што ўтрымліваюцца ў дзьвюх папярэдніх справаздачах, абнародаваных ўчора ў Вашынгтоне незалежнай нацыянальнай камісіяй у справе расьсьледаваньня тэрарыстычных нападаў на ЗША 11 верасьня 2001 году.
Хаця большая частка справаздачы тычыцца плянаваньня нападаў на ЗША, а таксама кіруючых асобаў Аль-Кайды, амэрыканскія мэдыі засяродзіліся на іншым аспэкце паведамленьняў. Праўдападобна, што вынік расьсьледаваньня можа выклікаць ціск на прэзыдэнта ЗША Джорджа Буша напярэдадні восеньскіх выбараў.
У справаздачы гаворыцца, што няма ніякіх сьведчаньняў таго, што Ірак дапамагаў Аль-Кайдзе ў нападах на ЗША. Больш падрабязна гэтую інфармацыю пракамэнтаваў былы намесьнік дырэктара Цэнтральнага разьведнага ўпраўленьня Дуглас МакІчын.
(МакІчын: ) “Паводле сьведчаньняў, у 1994 годзе Бін Лядэн прасіў Ірак даць яму месцы для трэніровачных лягераў, а таксама забясьпечыць яго зброяй, аднак Ірак, хутчэй за ўсё, ніколі не адказаў на гэтыя просьбы. Былі паведамленьні пра кантакты паміж Іракам і Аль-Кайдай пасьля вяртаньня Бін-Лядэна ў Аўганістан, аднак гэтыя кантакты не разьвіліся ў адпаведнае супрацоўніцтва”.
Гэтае цьверджаньне МакІчына супярэчыць пазаўчорашняй заяве віцэ-прэзыдэнта ЗША Дзіка Чэйні аб шчыльным супрацоўніцтве Хусэйна з Аль-Кайдай. Праўда, нават сам Джордж Буш летась у верасьні дапускаў, што ягоная адміністрацыя ня мае доказаў датычнасьці Хусэйна да тэракту 11 верасьня.
Камісія зрабіла свае высновы, абапіраючыся на прыкладна 1 100 праведзеных гутарак ў 10 краінах сьвету. Большая частка інфармацыі была атрыманая ад падазраваных тэрарыстаў на чале з Халідам Шэйхам Мохамэдам, затрыманых амэырканцамі.
Сярод іншых высноваў справаздачы – інфармацыя пра тое, што Бін Лядэн у сапраўднасьці не такі багаты, як меркавалася раней. Ён ніколі не атрымліваў у спадчыну 300 мільёнаў даляраў, а ў 1994 годзе, верагодна, быў пазбаўлены штогадовай сямейнай выплаты памерам у адзін мільён даляраў.
Насуперак многім паведамленьням СМІ, камісія не знайшла ніякіх доказаў таго, што Савудаўскі ўрад фінансаваў Аль-Кайду. Гэтая арганізацыя, хутчэй за ўсё, атрымлівае сродкі галоўным чынам ад прыватных донараў з шэрагаў мусульманаў.
Яшчэ напачатку 1999 году Усама Бін Лядэн плянаваў захапіць самалёты і абрынуць іх на Вашынгтон і Нью-Ёрк. Гэтую ідэю яшчэ ў 1996 годзе прапанаваў Бін Лядэну ягоны паплечнік Халід Шэйх Мохамэд, які цяпер знаходзіцца за кратамі. Праз тры гады ў аўганскім горадзе Кандагар лідэр Аль-Кайды ўхваліў гэтую ідэю, і тая сустрэча ў выніку прывяла да трагічных падзеяў 11 верасьня 2001 году, калі загінулі 2 800 чалавек.
Гэты эпізод ёсьць толькі адным з многіх, што ўтрымліваюцца ў дзьвюх папярэдніх справаздачах, абнародаваных ўчора ў Вашынгтоне незалежнай нацыянальнай камісіяй у справе расьсьледаваньня тэрарыстычных нападаў на ЗША 11 верасьня 2001 году.
Хаця большая частка справаздачы тычыцца плянаваньня нападаў на ЗША, а таксама кіруючых асобаў Аль-Кайды, амэрыканскія мэдыі засяродзіліся на іншым аспэкце паведамленьняў. Праўдападобна, што вынік расьсьледаваньня можа выклікаць ціск на прэзыдэнта ЗША Джорджа Буша напярэдадні восеньскіх выбараў.
У справаздачы гаворыцца, што няма ніякіх сьведчаньняў таго, што Ірак дапамагаў Аль-Кайдзе ў нападах на ЗША. Больш падрабязна гэтую інфармацыю пракамэнтаваў былы намесьнік дырэктара Цэнтральнага разьведнага ўпраўленьня Дуглас МакІчын.
(МакІчын: ) “Паводле сьведчаньняў, у 1994 годзе Бін Лядэн прасіў Ірак даць яму месцы для трэніровачных лягераў, а таксама забясьпечыць яго зброяй, аднак Ірак, хутчэй за ўсё, ніколі не адказаў на гэтыя просьбы. Былі паведамленьні пра кантакты паміж Іракам і Аль-Кайдай пасьля вяртаньня Бін-Лядэна ў Аўганістан, аднак гэтыя кантакты не разьвіліся ў адпаведнае супрацоўніцтва”.
Гэтае цьверджаньне МакІчына супярэчыць пазаўчорашняй заяве віцэ-прэзыдэнта ЗША Дзіка Чэйні аб шчыльным супрацоўніцтве Хусэйна з Аль-Кайдай. Праўда, нават сам Джордж Буш летась у верасьні дапускаў, што ягоная адміністрацыя ня мае доказаў датычнасьці Хусэйна да тэракту 11 верасьня.
Камісія зрабіла свае высновы, абапіраючыся на прыкладна 1 100 праведзеных гутарак ў 10 краінах сьвету. Большая частка інфармацыі была атрыманая ад падазраваных тэрарыстаў на чале з Халідам Шэйхам Мохамэдам, затрыманых амэырканцамі.
Сярод іншых высноваў справаздачы – інфармацыя пра тое, што Бін Лядэн у сапраўднасьці не такі багаты, як меркавалася раней. Ён ніколі не атрымліваў у спадчыну 300 мільёнаў даляраў, а ў 1994 годзе, верагодна, быў пазбаўлены штогадовай сямейнай выплаты памерам у адзін мільён даляраў.
Насуперак многім паведамленьням СМІ, камісія не знайшла ніякіх доказаў таго, што Савудаўскі ўрад фінансаваў Аль-Кайду. Гэтая арганізацыя, хутчэй за ўсё, атрымлівае сродкі галоўным чынам ад прыватных донараў з шэрагаў мусульманаў.