Разам з групай прадпрымальнікаў ён знаходзіўся непадалёк ад ГУМа, калі акцыя ўжо скончылася.
Спадар Лябедзька апавёў:
“Рабілі гэта ў фармаце сілавога захопу людзі ў цывільным. Я быў там разам зь імі. Мы паспрабавалі ня даць ажыцьцявіць гэты захоп і ўзьнікла, фактычна, такая бойка. Тут мне далі па твары. І ёсьць праблемы з пальцам, відаць, наступілі. Спачатку мы адбілі нашых калегаў, але потым падасьпелі новыя людзі ў цывільным. Не прадстаўляліся, што яны супрацоўнікі міліцыі. Проста фізычна расштурхоўваючы, шпурляючы на асфальт, іх закінулі ў аўтобус. Ну, а мяне ўдалося там вырваць зь іх рук. Так што я на волі, і гэта добра”.