“Бобруйский курьер” прапануе сёньня камэнтары да першага візыту Аляксандра Мілінкевіча ў якасьці кандыдата ў прэзыдэнты. На сустрэчах з ім людзі запытвалі, што чакае беларускую эканоміку, ці палепшацца справы ў мэдыцыне і адукацыі, якім будзе ўзровень заробкаў? Паводле апытаньня газэты, жыхары Бабруйска зараз перакананыя ў неабходнасьці тэледэбатаў між кандыдатамі ў прэзыдэнты.
Пінская газэта “Мясцовы час” паведамляе пра цікавасьць міліцыянтаў да здымачнай групы польскай тэлевізіі. Журналістаў затрымлівалі пасьля наведваньня кватэры эколяга Аляксея Дуброўскага. Гаворыць рэдактар выданьня Віктар Ярашук.
(Ярашук: ) “Напачатку мы сустрэліся ля гатэлю “Прыпяць”. Польскіх журналістаў цікавіла як ставяцца беларусы да фільмаў пра так званых польскіх шпіёнаў і ворагаў. І што трэба зрабіць, каб нашыя адносіны былі па-сапраўднаму сяброўскія? Калі я падвёз журналістаў да кватэры Дуброўскага і там іх пакінуў, то пасьля Дуброўскі і палякі тэлефанавалі, што прыходзілі міліцыянты”.
У Слоніме за атрыманьне хабару 300 даляраў арыштаваны кіраўнік мясцовага аддзяленьня “Белпрамбудбанку” Артур Грыгаран. Як паведамляе “Газета Слонимская”, крыху раней за прагнасьць да чужых грошай асуджаны былы дырэктар Слонімскага рынку і лясьнічы з вёскі Сянькоўшчына.
Чаму ў райцэнтры Глыбокае на Віцебшчыне ўлады ігнаруюць 100-гадовы юбілей Паўла Карузы – музыкі, этнографа, грамадзкага дзеяча? Пытаньне да аўтара публікацыі ў газэце “Вольны горад” Уладзімера Скрабатуна?
(Скрабатун: ) “Аніякіх мерапрыемстваў! Выбары! Колькі гадоў мы абаранялі ягоны хутар, пісалі пра гэта! Разабралі на бярвеньні, на дровы…Зараз голае месца”.
Паводле біёграфаў, Каруза -- зь сям’і зьбеларушчаных італьянцаў. Бацька Паўла Карузы Язэп быў арганістам Дзеркаўшчынскага касьцёлу.
Пінская газэта “Мясцовы час” паведамляе пра цікавасьць міліцыянтаў да здымачнай групы польскай тэлевізіі. Журналістаў затрымлівалі пасьля наведваньня кватэры эколяга Аляксея Дуброўскага. Гаворыць рэдактар выданьня Віктар Ярашук.
(Ярашук: ) “Напачатку мы сустрэліся ля гатэлю “Прыпяць”. Польскіх журналістаў цікавіла як ставяцца беларусы да фільмаў пра так званых польскіх шпіёнаў і ворагаў. І што трэба зрабіць, каб нашыя адносіны былі па-сапраўднаму сяброўскія? Калі я падвёз журналістаў да кватэры Дуброўскага і там іх пакінуў, то пасьля Дуброўскі і палякі тэлефанавалі, што прыходзілі міліцыянты”.
У Слоніме за атрыманьне хабару 300 даляраў арыштаваны кіраўнік мясцовага аддзяленьня “Белпрамбудбанку” Артур Грыгаран. Як паведамляе “Газета Слонимская”, крыху раней за прагнасьць да чужых грошай асуджаны былы дырэктар Слонімскага рынку і лясьнічы з вёскі Сянькоўшчына.
Чаму ў райцэнтры Глыбокае на Віцебшчыне ўлады ігнаруюць 100-гадовы юбілей Паўла Карузы – музыкі, этнографа, грамадзкага дзеяча? Пытаньне да аўтара публікацыі ў газэце “Вольны горад” Уладзімера Скрабатуна?
(Скрабатун: ) “Аніякіх мерапрыемстваў! Выбары! Колькі гадоў мы абаранялі ягоны хутар, пісалі пра гэта! Разабралі на бярвеньні, на дровы…Зараз голае месца”.
Паводле біёграфаў, Каруза -- зь сям’і зьбеларушчаных італьянцаў. Бацька Паўла Карузы Язэп быў арганістам Дзеркаўшчынскага касьцёлу.