Напярэдадні ад’езду ў Турын кіраўнік Міністэрства спорту і турызму Аляксандар Грыгараў сьцьвярджаў, што гэтым разам “турыстаў” на Алімпіядзе ня будзе. Аднак пакуль што бальшыня беларусаў у Італіі выступае ў ролі статыстаў, а першыя алімпійскія старты сталі для некаторых і апошнімі.
На этапе кваліфікацыі ня трапілі ў фінальны пул скакуны з 90-мэтровага трампліну Пётар Чаадаеў і Максім Анісімаў. Ніякіх шанцаў не пакінулі супернікі адзінай прадстаўніцы Беларусі ў шорт-трэку Юліі Ялсакавай. Учора таксама адзіная беларуская канькабежка Сьвятлана Радкевіч здолела апярэдзіць толькі тых, хто “паваліўся” на паўкілямэтровай дыстанцыі. У сярэдзіне турнірнай табліцы па выніках кароткай праграмы ў фігурным катаньні Сяргей Давыдаў — учора ён быў 14-ты.
Лыжнік Сяргей Далідовіч, на якога ўскладалі немалыя мэдалёвыя спадзяваньні, па выніках аналізу крыві і на падставе падвышанага ўтрыманьня гемаглябіну ўжо прапусьціў два старты і выпраўляецца дадому. Як паведамілі ў штабе беларускай каманды ў Турыне, ягоны далейшы ўдзел у Алімпіядзе няпэўны. Гаворыць шэф місіі Аляксандар Шэвель:
(Шэвель: ) “Сёньня Сяргей Далідовіч адляціць у Менск. І калі комплекс мэдычна-аднаўленчых мерапрыемстваў яму дапаможа, то ён яшчэ вернецца. Прынамсі, мы так плянуем. Хоць адназначна сказаць і ня можам — будзе нармалёвае ўтрыманьне гемаглябіну, будзе выступаць. У нас такая дамоўленасьць з аргкамітэтам ёсьць”.
Па-за крытыкай першыя старты біятляністаў, якія ў выніковым пратаколе разямесьціліся максымальна далёка ад п’едэсталу — за выключэньнем Вольгі Назаравай, якая прынесла першы заліковы бал у скарбонку зборнай, заняўшы 8-е месца ў індывідуальнай гонцы на 15 кілямэтраў. А выступ біятляніста Ўладзімера Драчова ў штабе беларускай алімпійскай місіі ў Турыне названы найбольшым расчараваньнем: у першы дзень Алімпіяды ў гонцы на 20 кілямэтраў той заняў 43-е месца, а напярэдадні ў спрынце быў толькі 63-ці. Трэба сказаць, што Драчоў увогуле адзін з самых “узроставых” спартоўцаў на Алімпіядзе — яму споўнілася 40 гадоў.
Як і прагназавалі спартовыя адмыслоўцы, цяпер спадзяваньні беларускіх заўзятараў цалкам сканцэнтраваныя на фрыстайле. Спаборніцтвы фрыстайлістаў традыцыйна адбываюцца пры канцы алімпійскай праграмы.
На этапе кваліфікацыі ня трапілі ў фінальны пул скакуны з 90-мэтровага трампліну Пётар Чаадаеў і Максім Анісімаў. Ніякіх шанцаў не пакінулі супернікі адзінай прадстаўніцы Беларусі ў шорт-трэку Юліі Ялсакавай. Учора таксама адзіная беларуская канькабежка Сьвятлана Радкевіч здолела апярэдзіць толькі тых, хто “паваліўся” на паўкілямэтровай дыстанцыі. У сярэдзіне турнірнай табліцы па выніках кароткай праграмы ў фігурным катаньні Сяргей Давыдаў — учора ён быў 14-ты.
Лыжнік Сяргей Далідовіч, на якога ўскладалі немалыя мэдалёвыя спадзяваньні, па выніках аналізу крыві і на падставе падвышанага ўтрыманьня гемаглябіну ўжо прапусьціў два старты і выпраўляецца дадому. Як паведамілі ў штабе беларускай каманды ў Турыне, ягоны далейшы ўдзел у Алімпіядзе няпэўны. Гаворыць шэф місіі Аляксандар Шэвель:
(Шэвель: ) “Сёньня Сяргей Далідовіч адляціць у Менск. І калі комплекс мэдычна-аднаўленчых мерапрыемстваў яму дапаможа, то ён яшчэ вернецца. Прынамсі, мы так плянуем. Хоць адназначна сказаць і ня можам — будзе нармалёвае ўтрыманьне гемаглябіну, будзе выступаць. У нас такая дамоўленасьць з аргкамітэтам ёсьць”.
Па-за крытыкай першыя старты біятляністаў, якія ў выніковым пратаколе разямесьціліся максымальна далёка ад п’едэсталу — за выключэньнем Вольгі Назаравай, якая прынесла першы заліковы бал у скарбонку зборнай, заняўшы 8-е месца ў індывідуальнай гонцы на 15 кілямэтраў. А выступ біятляніста Ўладзімера Драчова ў штабе беларускай алімпійскай місіі ў Турыне названы найбольшым расчараваньнем: у першы дзень Алімпіяды ў гонцы на 20 кілямэтраў той заняў 43-е месца, а напярэдадні ў спрынце быў толькі 63-ці. Трэба сказаць, што Драчоў увогуле адзін з самых “узроставых” спартоўцаў на Алімпіядзе — яму споўнілася 40 гадоў.
Як і прагназавалі спартовыя адмыслоўцы, цяпер спадзяваньні беларускіх заўзятараў цалкам сканцэнтраваныя на фрыстайле. Спаборніцтвы фрыстайлістаў традыцыйна адбываюцца пры канцы алімпійскай праграмы.