Сьветлагорскі “Ранак плюс” друкуе сьпіс дэлегатаў на трэці Ўсебеларускі народны сход: старшыні аблвыканкаму, райвыканкаму, дырэктары прадпрыемстваў, дэпутаты. Разам зь імі паедуць у Менск і прыватны прадпрымальнік, мэдсястра, машыніст, супрацоўніца “Беларусбанку”, трактарыст і даярка...
“Брестский курьер” расказвае гісторыю праваабаронцы Ўладзімера Вялічкіна. У 2001 годзе за распаўсюд Дэклярацыі правоў чалавека суд Ленінскага раёну Берасьця пакараў яго штрафам. Усе астатнія беларускія судовыя інстанцыі пакінулі тое рашэньне ў сіле. Тады спадар Вялічкін зьвярнуўся ў Камісію па правох чалавека ААН. Расказвае журналіст Зьміцер Паталятаў:
(Паталятаў: ) “Прайшло 5 гадоў, і літаральна нядаўна Камісія ААН прызнала, што Беларусь парушыла Дэклярацыю аб палітычных і грамадзянскіх правах, і павінна кампэнсаваць страты Ўладзімеру Вялічкіну. А намесьнік старшыні Вярхоўнага Суду Беларусі спадар Калінковіч адказаў, што дадзеная заява пакідаецца без сатысфакцыі. Таму Вялічкін зноў зьбіраецца зьвярнуцца ў Камісію ААН”.
“Наша Ніва” паведамляе: “Замяталін зноў запатрабаваны ў штабе Лукашэнкі”. Тыднёвік піша таксама пра графік паездак Аляксандра Мілінкевіча па Беларусі. На 2 сакавіка заплянаваная ягоная першая сустрэча з выбаршчыкамі ў Менску. Яна мае адбыцца на Плошчы Свабоды а 18-й гадзіне.
У Магілёве адмянілі сустрэчу пісьменьнікаў Сьвятланы Алексіевіч і Ўладзімера Арлова з ліцэістамі – нібыта не знайшлося месца ды й ліцэісты былі занятыя, піша “Комсомольская правда” в Белоруссии”.
“Брестский курьер” расказвае гісторыю праваабаронцы Ўладзімера Вялічкіна. У 2001 годзе за распаўсюд Дэклярацыі правоў чалавека суд Ленінскага раёну Берасьця пакараў яго штрафам. Усе астатнія беларускія судовыя інстанцыі пакінулі тое рашэньне ў сіле. Тады спадар Вялічкін зьвярнуўся ў Камісію па правох чалавека ААН. Расказвае журналіст Зьміцер Паталятаў:
(Паталятаў: ) “Прайшло 5 гадоў, і літаральна нядаўна Камісія ААН прызнала, што Беларусь парушыла Дэклярацыю аб палітычных і грамадзянскіх правах, і павінна кампэнсаваць страты Ўладзімеру Вялічкіну. А намесьнік старшыні Вярхоўнага Суду Беларусі спадар Калінковіч адказаў, што дадзеная заява пакідаецца без сатысфакцыі. Таму Вялічкін зноў зьбіраецца зьвярнуцца ў Камісію ААН”.
“Наша Ніва” паведамляе: “Замяталін зноў запатрабаваны ў штабе Лукашэнкі”. Тыднёвік піша таксама пра графік паездак Аляксандра Мілінкевіча па Беларусі. На 2 сакавіка заплянаваная ягоная першая сустрэча з выбаршчыкамі ў Менску. Яна мае адбыцца на Плошчы Свабоды а 18-й гадзіне.
У Магілёве адмянілі сустрэчу пісьменьнікаў Сьвятланы Алексіевіч і Ўладзімера Арлова з ліцэістамі – нібыта не знайшлося месца ды й ліцэісты былі занятыя, піша “Комсомольская правда” в Белоруссии”.