Пікет пачаўся а 17-й гадзіне, дакладна як было вызначана ў заяўцы і як дазволіў гарвыканкам. Насупраць месца правядзеньня пікету – Цэнтар выставаў на вуліцы Арлоўскай, за сьпіной у пікетоўцаў – так званы "Dreamland". Тут зусім ня ходзяць мінакі, затое шмат аўтамабіляў, кожную сэкунду пралятае некалькі аўтамабіляў, і шмат хто з кіроўцаў сыгналіць, выказвае салідарнасьць з патрабаваньнямі пікетоўцаў.
У пікетоўцаў у руках тры вялікія расьцяжкі "Свабоду Казуліну", некалькі бел-чырвона-белых сьцягоў з сымболікай Беларускай сацыял-дэмакратычнай партыі (Грамада), якую ўзначальвае Аляксандар Казулін, партрэты А.Казуліна.
Разам зь пікетоўцамі стаяць дзьве дачкі А.Казуліна, Вольга і Юлія, а таксама вядомыя ў краіне праваабаронцы – Алег Воўчак, Ігар Рынкевіч, палітыкі Алесь Стральцоў, Сяргей Скрабец, ягоны брат Аляксандар і шараговыя актывісты.
Як вядома, сёньня быў прыняты закон пра амністыю. Я спытаўся ў Вольгі Казулінай: ці спадзяваліся вы, што вашага бацьку адпусьцяць паводле гэтага закону?
В.Казуліна: “Не, мы ня верылі, што яго адпусьцяць, таму што помста Лукашэнкі – вельмі злосная і нікому не даруе. Мы спадзяемся толькі на міжнародную супольнасьць, на тое, што толькі паводле патрабаваньня Эўразьвязу і іншых краінаў выпусьцяць нашага любімага тату”.
Карэспандэнт: “А спадзяецеся вы, што салідарнасьць беларусаў таксама даапаможа вам?”
В.Казуліна: “Беларусы залішне запалоханыя, на жаль, яны занадта завязаныя на сваіх працах, яна баяцца, што іх звольняць, што ім ня будзе за што карміць сваіх дзяцей, і я іх цудоўна разумею. Хаця, натуральна, мы спадзяемся, што дух салідарнасьці абудзіцца. Бо незадаволеных вельмі шмат, і мы спадзяемся, што яны выйдуць на плошчу і скажуць сваё слова”.
Вольгу Казуліну нядаўна звольнілі з працы, у тым ліку і за палітычную дзейнасьць у справе вызваленьня ейнага бацькі.
Пікет працягваецца, тут стаяць міліцыянты ў цывільным, падыходзяць журналісты, мінакі. Пікет будзе адбывацца да 20-й гадзіны.
У Менску адбудзецца пікет за вызваленьне А.Казуліна, 24.10.2007 В.Стэфановіч: у Казуліна можа ўзьнікнуць права на ўмоўна-датэрміновае вызваленьне, 24.10.2007 Чаму пракуратура не адказвае на скаргі адносна справы А.Казуліна?, 20.10.2007
У пікетоўцаў у руках тры вялікія расьцяжкі "Свабоду Казуліну", некалькі бел-чырвона-белых сьцягоў з сымболікай Беларускай сацыял-дэмакратычнай партыі (Грамада), якую ўзначальвае Аляксандар Казулін, партрэты А.Казуліна.
Разам зь пікетоўцамі стаяць дзьве дачкі А.Казуліна, Вольга і Юлія, а таксама вядомыя ў краіне праваабаронцы – Алег Воўчак, Ігар Рынкевіч, палітыкі Алесь Стральцоў, Сяргей Скрабец, ягоны брат Аляксандар і шараговыя актывісты.
Як вядома, сёньня быў прыняты закон пра амністыю. Я спытаўся ў Вольгі Казулінай: ці спадзяваліся вы, што вашага бацьку адпусьцяць паводле гэтага закону?
В.Казуліна: “Не, мы ня верылі, што яго адпусьцяць, таму што помста Лукашэнкі – вельмі злосная і нікому не даруе. Мы спадзяемся толькі на міжнародную супольнасьць, на тое, што толькі паводле патрабаваньня Эўразьвязу і іншых краінаў выпусьцяць нашага любімага тату”.
Карэспандэнт: “А спадзяецеся вы, што салідарнасьць беларусаў таксама даапаможа вам?”
В.Казуліна: “Беларусы залішне запалоханыя, на жаль, яны занадта завязаныя на сваіх працах, яна баяцца, што іх звольняць, што ім ня будзе за што карміць сваіх дзяцей, і я іх цудоўна разумею. Хаця, натуральна, мы спадзяемся, што дух салідарнасьці абудзіцца. Бо незадаволеных вельмі шмат, і мы спадзяемся, што яны выйдуць на плошчу і скажуць сваё слова”.
Вольгу Казуліну нядаўна звольнілі з працы, у тым ліку і за палітычную дзейнасьць у справе вызваленьня ейнага бацькі.
Пікет працягваецца, тут стаяць міліцыянты ў цывільным, падыходзяць журналісты, мінакі. Пікет будзе адбывацца да 20-й гадзіны.
У Менску адбудзецца пікет за вызваленьне А.Казуліна, 24.10.2007 В.Стэфановіч: у Казуліна можа ўзьнікнуць права на ўмоўна-датэрміновае вызваленьне, 24.10.2007 Чаму пракуратура не адказвае на скаргі адносна справы А.Казуліна?, 20.10.2007