Лінкі ўнівэрсальнага доступу

У 2024 годзе ў Беларусі выяўлена больш за паўмільёна выпадкаў дэпрэсіі


Беларусь па выніках 2024 года займае 8-е месца ў сьвеце па колькасьці «псыхічных разладаў», кожны чацьвёрты жыхар краіны «пакутуе на трывожна-дэпрэсіўныя разлады або разлады адаптацыі»

Як піша інфармацыйнае агенцтва «Позірк», пра гэта паведаміла на прэсавай канфэрэнцыі ў Менску 24 сакавіка спэцыялістка псыхалягічнага аддзяленьня «Рэспубліканскага навукова-практычнага цэнтру псыхічнага здароўя» (РНПЦПЗ) Сьвятлана Далжэнка.

За год у Беларусі «выяўлена каля 510 тыс. выпадкаў дэпрэсіі, што складае каля 5,6% насельніцтва», адзначыла псыхалягіня. Пры гэтым, паводле яе слоў, многія беларусы «не зьвяртаюцца своечасова па спэцыялізаваную дапамогу, альбо знаходзяцца ў працяглым, хваравітым стане, што можа прыводзіць да розных зыходаў». Далжэнка паведаміла, што колькасьць зваротаў па псыхалягічную дапамогу ўзрасла.

Найбольш уразьлівымі групамі зьяўляюцца падлеткі і людзі сталага веку, часьцей за ўсё па псыхалягічную дапамогу зьвяртаюцца людзі старэйшыя за 30 гадоў, сказала прадстаўніца РНПЦПЗ.

Форум

Камэнтаваць тут можна праз Disqus. Калі вы ў Беларусі, любы камэнтар можа быць падставай для перасьледу з боку ўладаў.

Ігар Лосік Кацярына Андрэева Ірына Слаўнікава Марына Золатава
XS
SM
MD
LG