Як адзначыў Франак Вячорка для Радыё Свабода, «гэта сымбалічнае абвяшчэньне 25 сакавіка Днём Волі ў Вашынгтоне, і яно адбываецца чацьвёрты год запар».
Паводле Вячоркі ініцыятыва належыць кіраўніку вашынгтонскага аддзелу беларускай арганізацыі «БАЗА» Вячаславу Бортніку і беларускай дыяспары ў Вашынгтоне, якія падтрымліваюць добрыя адносны з уладамі гораду:
— Гэта напамін пра Беларусь і беларусаў, якія змагаюцца за свабоду. Будуць у іншых гарадах ЗША падобныя абвяшчэньні, узьняцьці бел-чырвона-белага сьцягу ў шэрагу амэрыканскіх гарадоў, а таксама над мэрыямі. Гэтая традыцыя пачалася дзесяцігодзьдзі назад яшчэ ў часы халоднай вайны, калі беларусаў падтрымлівалі як паняволены народ. Зараз зноў як паняволенаму народу нам патрэбная гэтая падтрымка і салідарнасьць амэрыканскага грамадзтва. І беларускія суполкі ў розных гарадах Амэрыкі гэта традыцыйна робяць 25 сакавіка. У Вашынгтоне я хачу адзначыць Славу Бортніка і беларусаў, таму што яны гэта прабіваюць, яны пра гэта дамаўляюцца. Гэта стала добрай традыцыяй, а цяпер стала актуальна на фоне пагрозаў незалежнасьці Беларусі.
25 сакавіка дэмакратычна настроеная частка насельніцтва Беларусі святкуе Дзень Волі — гадавіну абвяшчэння Беларускай Народнай Рэспублікі (БНР) у 1918 годзе.
Форум