У вайсковай выведцы Ўкраіны заявілі аб падрыве ў Маскоўскай вобласьці транспартнага самалёта ВМФ Расеі

У Галоўным упраўленьні выведкі Міністэрства абароны Ўкраіны паведамілі, што 12 сьнежня на аэрадроме «Астаф’ева» ў Маскоўскай вобласьці ў выніку выбуху пацярпеў транспартны самалёт Ан-72, які належаў Вайскова-марскому флёту Расеі.

У вайсковай выведцы Ўкраіны сьцьвярджаюць, што «здэтанавала асноўная сілавая ўстаноўка».

«Прыблізы кошт выведзенага са строю самалёта складае каля 4,5 мільёна даляраў», — адзначаецца ў паведамленьні.

ГЛЯДЗІЦЕ ТАКСАМА:

У Расеі прызналі зьнішчэньне Ўкраінай у пачатку году самалёта далёкага радыёлякацыйнага выяўленьня А-50У

Сёлета 23 лютага над Чорным морам ў часе супольнай апэрацыі Галоўнага ўпраўленьня выведкі і паветраных сіл Украіны зьбілі расейскі самалёт-выведнік A-50. Расея прызнала гэты факт толькі праз паўгода.

14 студзеня 2024 году Паветраныя сілы Ўкраіны зьбілі над Азоўскім морам яшчэ адзін самалёт A-50, а другі — Іл-22 — атрымаў пашкоджаньні.

ГЛЯДЗІЦЕ ТАКСАМА:

Украінцы над Азоўскім морам зьбілі два расейскія самалёты; адзін зь іх такі ж, які пашкодзілі ў Мачулішчах

4 студзеня ў Галоўным упраўленьні выведкі Міністэрства абароны Ўкраіны заявілі, што на вайсковым аэрадроме «Шагол» у Чалябінску згарэў тактычны бамбавік С-34.

ГЛЯДЗІЦЕ ТАКСАМА:

Ва ўкраінскай выведцы паведамілі аб падпале расейскага бамбавіка Су-34 на вайсковым аэрадроме ў Чалябінску

ГЛЯДЗІЦЕ ТАКСАМА:

У выведцы Вялікай Брытаніі падлічылі, колькі баявых самалётаў страціла Расея ва Ўкраіне