«Расейцы ўключаюць іх у зводныя падразьдзяленьні і выкарыстоўваюць у апэрацыях у раёнах Курскай вобласьці. Пакуль толькі там», — сказаў Зяленскі.
Разам з тым, паводле ўкраінскага прэзыдэнта, ёсьць інфармацыя, што Расея можа прыцягнуць паўночнакарэйскіх вайскоўцаў да апэрацый і на іншых участках фронту.
«Страты сярод гэтай катэгорыі ўжо заўважныя. Фактычна Масква ўцягнула ў гэтую вайну яшчэ адну дзяржаву, прычым далучыла максымальна. І калі гэта не эскаляцыя, дык што тады эскаляцыя, пра якую шмат хто казаў?» — спытаў кіраўнік дзяржавы ў традыцыйным вечаровым відэазвароце.
Раней прадстаўнік Галоўнага ўпраўленьня выведкі Мінабароны Ўкраіны Андрэй Чарняк распавёў праекту Радыё Свабода «Данбас Рэаліі», што дзьве тысячы вайскоўцаў КНДР накіравалі ў брыгаду марской пяхоты і дывізію паветрана-дэсантных войскаў арміі РФ.
У Галоўным упраўленьні выведкі Мінабароны Ўкраіны раней паведамілі, што першыя падразьдзяленьні вайскоўцаў з КНДР прыбылі ў зону баявых дзеяньняў расейска-ўкраінскай вайны 23 кастрычніка, «іх зьяўленьне зафіксавалі ў Курскай вобласьці Расеі».
- Пра першыя баявыя сутыкненьні паміж украінскімі і паўночнакарэйскімі вайскоўцамі ў Курскай вобласьці 5 лістапада паведамілі крыніцы выданьня Financial Times і выданьня «Суспільне» ў спэцслужбах. Адзначалася, што пакуль «не ідзе гаворкі пра вялікія сутыкненьні».
- У канцы кастрычніка заходнія выданьні паведамілі, што КНДР накіравала ў Расею вайскоўцаў для ўдзелу ў баявых дзеяньнях супраць Украіны. Паводле зьвестак Украіны і краінаў Захаду, у Курскую вобласьць прыбылі больш за 10 тысяч паўночнакарэйскіх вайскоўцаў. У пачатку лістапада прэзыдэнт Украіны Уладзімір Зяленскі паведамляў, што яны панеслі першыя страты.
- Масква і Пхэньян непасрэдны ўдзел паўночнакарэйскіх вайскоўцаў у баях не пацьвярджалі.
Форум