Як падкрэсьлілі ў OMV, усе патэнцыйныя рызыкі з-за спыненьня паставак «Газпрома» «былі поўнасьцю дывэрсыфікаваныя за кошт альтэрнатыўных крыніц газу за апошнія тры гады». Канцэрн паведамляў у лістападзе, што забясьпечыў сабе пастаўкі трубаправоднага газу з Нарвэгіі і закантрактаваў дадатковыя доўгатэрміновыя аб’ёмы звадкаванага газу, піша Deutsche Welle.
Адначасова аўстрыйскае прадпрыемства забранявала транзытныя магутнасьці ў Нямеччыны і Італіі для транспартаваньня ў краіну рэгазіфікаванага звадкаванага прыроднага газу з марскіх тэрміналаў у гэтых краінах.
OMV не атрымлівае газ «Газпрома» зь сярэдзіны лістапада, прычынай стала спрэчка паміж бакамі. У лістападзе арбітражны суд прысудзіў аўстрыйскай кампаніі кампэнсацыю ў памеры 230 млн эўра празь нерэгулярныя пастаўкі газу «Газпром Экспартам» у Нямеччыну, якія спыніліся ў верасьні 2022 году.
OMV заявіла, што кампэнсуе гэтую суму за кошт плацяжоў за экспарт газу ў Аўстрыю. Расейскі бок палічыў гэта нявыплатай за пастаўкі газу і спыніў іх.
Форум