Расейскія самалёты за апошні тыдзень шэсьць разоў парушалі паветраную прастору краін Балтыі

У Міністэрстве абароны Літвы паведамілі, што з 21 па 27 кастрычніка зьнішчальнікі місіі NATO у краінах Балтыі шэсьць разоў падымаліся ў паветра для перахопліваньня расейскіх самалётаў, якія ляцелі з парушэньнем міжнародных авіяцыйных правілаў.

Як адзначаецца ў афіцыйным паведамленьні ведамства, зьнішчальнікі NATO падымалі ў паветра па трывозе ў сувязі з палётамі расейскіх самалётаў Ан-72, Іл-78 і чатырох Іл-20, якія ляцелі з або ў Калінінград з ці на мацерыковую частку Расеі з парушэньнямі міжнароднай паветранай прасторы, без папярэдняга пляну палёту, з адключаным бартавым транспондэрам. Але ва ўсіх выпадках экіпажы падтрымлівалі радыёсувязь.

Па баявой трывозе зьнішчальнікі Балтыйскага атраду NATO падымалі ў паветра 21 кастрычніка, два разы 22 кастрычніка, 23 кастрычніка і два разы 26 кастрычніка.

ГЛЯДЗІЦЕ ТАКСАМА:

Генэральны сакратар NATO прызнаў, што Расея разьмясьціла войскі КНДР у Курскай вобласьці

ГЛЯДЗІЦЕ ТАКСАМА:

У Латвіі ў неба ўздымалі авіяцыю NATO празь «неапазнаны аб’ект» з тэрыторыі Беларусі