У чарговым відэа праекту «Сьведкі Лукашэнкі» — арт-дырэктар «Свабоднага тэатру» Мікалай Халезін. Ён прызнаецца, што «такой паўнаты жыцьця, як у 1990-я, больш ніколі не адчуваў», успамінае малавядомыя моманты прэзыдэнцкіх кампаніяў 2001 і 2010 гадоў і заяўляе, што «калі ў жніўні 2020-га Лукашэнку пазваніла Мэркель — гэта была памылка».
У інтэрвію Мікалай Халезін таксама расказвае:
- чаму кінуў эканоміку і стаў займацца творчасьцю, тэатрам,
- якой была тэатральная сцэна Беларусі пачатку 1990-х,
- як сяброўка маці Лукашэнкі сказала: «Ня будзе Сашкі праз год ці праз два, ня ўмее ён»,
- як Гайдукевіч-старэйшы з ахоўнікамі прыйшлі біць Халезіна ў рэдакцыю,
- пра выбары 2001 году: як «Зубры» захапілі Палац прафсаюзаў і чым усё скончылася,
- як выехаў зь Беларусі і чаму падчас «лібэралізацыі» не вяртаўся на радзіму,
- чаму пасварылася «Хартыя»,
- што пайшло ня так у 2020 годзе.
«Сьведкі Лукашэнкі»
«Сьведкі Лукашэнкі» – сэрыя відэаінтэрвію зь людзьмі, якія паспрабуюць ацаніць тое, што і чаму адбылося ў Беларусі ў 1994 годзе і як зьмянілася беларускае грамадзтва за гэтыя 30 гадоў.
Сёлета спаўняецца 30 гадоў з моманту першых прэзыдэнцкіх выбараў у Беларусі. Чаму тагачаснае беларускае грамадзтва выбрала Аляксандра Лукашэнку, ці магло ўсё скласьціся па-іншаму або менавіта такі вынік быў тады наканаваным? Які шлях прайшло беларускае грамадзтва за гэтыя 30 гадоў, ці вывучыла яно ўрокі гісторыі?
Гэтыя ды іншыя тэмы Віталь Цыганкоў абмяркоўвае з гасьцямі Свабоды ў праекце «Сьведкі Лукашэнкі».
Форум