GPS паказвала месца знаходжаньня з памылкай у 80 кілямэтраў, і фіксавала на тэрыторыі Расеі прыладу, якая знаходзілася ў Беларусі.
Выданьне «Флагшток» знайшло ў Гомлі іншых людзей, якія зафіксавалі такія ж паводзіны сваёй мабільнай навігацыі.
Такія памылкі GPS могуць казаць аб працы прылад радыёэлектроннай барацьбы, накіраванай на падмену геаграфічных каардынат ці GPS спуфінгу. Гэтыя назіраньні не дазваляюць вызначыць уладальніка сыстэмы РЭБ. Такія прылады працуюць на дзясяткі кілямэтраў, іх могуць выкарыстоўваць Узброеныя сілы Беларусі, Расеі ці Ўкраіны.
GPS спуфінг (падмена GPS) — гэта спосаб маніпуляваньня сыгналамі GPS, каб падмануць прыладу і выдаць ілжывую інфармацыю. У выніку падмены сыгналу ад спадарожніка фальшывым (больш магутным) усе бліжэйшыя GPS-прымачы будуць лічыць, што падроблены сыгнал зьяўляецца сапраўдным. З дапамогай спуфінгу можна зьбіць з маршруту, завесьці ў патрэбную кропку і нават сагнаць лятальныя апараты.
- У Беларусі ў траўні 2024 году «Белаэранавігацыя» апублікавала паведамленьне, якое афіцыйна пацьвярджае інтэрфэрэнцыю сыгналаў GPS па ўсёй паветранай прасторы над тэрыторыяй Беларусі. Пасьля папярэджаньне было працягнутае да лістапада 2024 году.
- «Беларускі Гаюн» яшчэ ў 2022 годзе расказваў, як GPS-перашкоды ў Беларусі зьявіліся незадоўга да расейскага ўварваньня ва Ўкраіну.
Форум