Затрымалі за заклікі да пратэсту ў чатах
На відэа сілавікоў затрыманы жыхар Менску кажа, што ў 2020 годзе «быў удзельнікам дэструктыўных чатаў» і ў адным з іх «заклікаў людзей згуртавацца, каардынавацца», а таксама нібыта «заклікаў псаваць дзяржаўную маёмасьць», піша «Вясна».
«Медиазона» знайшла старонку затрыманага ў сацсетках, там ён падпісаны як Ігар Драбышэўскі. Па якім артыкуле яго затрымалі і дзе ён цяпер, невядома.
Мужа і жонку затрымалі за ўдзел у пратэстах
На «пакаяльным відэа» мужчына кажа, што 15 жніўня адзначалі Дзень народзінаў жонкі ў Менску, дзе ўзялі ўдзел у пратэстах.
«Мэдыязона» знайшла старонкі затрыманых у сацсетках.
Там яны падпісаныя як Іван Хадасевіч і Аліна Сьвянціцкая.
Затрымалі менскага айцішніка, які «пагражаў міліцыянту расправай» у Viber
Паводле інфармацыі МУС, 53-гадовы супрацоўнік IT-кампаніі «з дапамогай перапіскі ў мэсэнджары „Вайбер“ пагражаў супрацоўніку крымінальнага вышуку Першамайскага РУУС ужываньнем гвалту ў мэтах перашкоды яго законнай дзейнасьці».
Супраць мужчыны распачалі крымінальную справу за пагрозу прымяненьня гвалту ў дачыненьні да супрацоўніка органаў унутраных спраў. Менчуку пагражае да 7 гадоў зьняволеньня.
