Аб’ект, які трапіў на тэрыторыю Польшчы, — не ракета, піша Gazeta Wyborcza з спасылкай на Ўзброеныя сілы Польшчы.
«Падчас масаванай атакі на тэрыторыю Ўкраіны ў панядзелак мы, верагодна, мелі справу з аб’ектам, які заляцеў на тэрыторыю Польшчы. Аб’ект быў пацьверджаны радыёлякацыйна як мінімум трыма радыёлякацыйнымі станцыямі. Я цалкам кантраляваў аб’ект і быў гатовы яго зьбіць», — заявіў апэратыўны камандуючы Ўзброенымі сіламі Польшчы генэрал Мацей Кліш.
Ён дадаў, што аб’ект у 6.43 перасек польскую мяжу прыкладна на ўзроўні ўкраінскага гораду Чырванаграду. Ён зьнік, праляцеўшы 25 км над тэрыторыяй Польшчы.
Кліш адзначыў, што аб’ект цяпер, хутчэй за ўсё, знаходзіцца на тэрыторыі гміны Тышоўцы (Люблінскае ваяводзтва), у якой пражывае каля 6 тысяч чалавек. Яго яшчэ шукаюць.
- 26 жніўня Расея правяла адзін з самых масавых ракетных абстрэлаў Украіны, пацярпелі 15 вобласьцяў. Ёсьць ахвяры сярод цывільных і разбурэньні крытычнай цывільнай інфраструктуры Ўкраіны.
Форум