На мяжы Беларусі ўезду ў Літву, Латвію і Польшчу чакаюць больш за тры тысячы транспартных сродкаў

Уезду ў Літву, Латвію і Польшчу чакаюць 3112 транспартных сродкаў — грузавікоў, легкавых аўтамабіляў і аўтобусаў.

Раніцай 15 жніўня ў чэргах на мяжы з краінамі Эўразьвязу стаялі 1070 легкавых аўтамабіляў, паведаміў Дзяржаўны памежны камітэт Беларусі.

На 10-ю гадзіну 15 жніўня ў чэргах стаялі:

• 450 легкавых аўтамабіляў у пункце пропуску Берасьце / Тарэспаль (Польшча),
• 380 — Каменны Лог / Меднікі (Літва),
• 230 — Беняконі / Салечнікі (Літва),
• 10 — Грыгораўшчына / Патэрніекі (Латвія).

Колькасьць грузавых аўтамабіляў склала 2020, зь іх:

• 830 фураў на памежным пераходзе Беняконі / Салечнікі (Літва),
• 590 — на памежным пераходзе Каменны Лог / Меднікі (Літва),
• 600 — у пункце пропуску Грыгораўшчына / Патэрніекі (Латвія).

Абсалютны рэкорд зафіксаваны 22 сакавіка: у чарзе на выезд зь Беларусі ў ЭЗ стаялі 3690 фураў.

У чарзе на выезд у Польшчу стаялі 22 аўтобусы. На іншых кірунках аўтобусаў у чэргах не было.

ГЛЯДЗІЦЕ ТАКСАМА:

Пытаньне поўнага закрыцьця мяжы залежыць ад жаданьня Беларусі супрацоўнічаць, — кіраўнік МУС Польшчы

Чэргі на межах Беларусі з краінамі Эўразьвязу ўтварыліся, бо ўрады Польшчы, Латвіі і Літвы закрылі большасьць памежных пераходаў. Адбылося гэта пасьля шматлікіх нелегальных пераходаў мяжы зь беларускай тэрыторыі. Наступствы мігранцкага ціску з боку ўладаў Беларусі, а таксама іх саўдзел у вайне Расеі супраць Украіны сталі прычынай закрыцьця памежных пунктаў.