Палітвязьнямі прызналі яшчэ 15 чалавек, у тым ліку грамадзян Польшчы і Літвы

19 чэрвень 2024, 21:43

Акцыя салідарнасьці з палітвязьнямі ў Вільні, Літва. Ілюстрацыйнае фота

Праваабарончая супольнасьць Беларусі сёньня прызнала палітычнымі зьняволенымі яшчэ 15 чалавек.

Пра гэта паведамляе інфармацыйнае агенцтва «Позірк».

Статус палітвязьня атрымаў грамадзянін Польшчы Томаш Бяроза, асуджаны на пазбаўленьне волі (тэрмін невядомы) на закрытым судовым пасяджэньні паводле арт. 358 («Шпіянаж») і 3581 («Агентурная дзейнасьць») Крымінальнага кодэксу.

Палітвязьнем прызналі загадчыцу маркетынгавай службы разьмешчанага ў літоўскім Друскінінкаі санаторыя Belorus Алену Раманаўскіене, грамадзянку Літвы і Беларусі, асуджаную на закрытым працэсе на 6 гадоў пазбаўленьня волі паводле арт. 3581 КК.

ГЛЯДЗІЦЕ ТАКСАМА:

Грамадзянку Літвы ў Беларусі асудзілі на 6 гадоў калёніі за «агентурную дзейнасьць»

Таксама палітвязьнямі прызнаныя грамадзяне Беларусі, асуджаныя на пазбаўленьне волі:

Аляксей Навагродзкі — тэрмін невядомы, ч. 1 арт. 356 КК («Здрада дзяржаве»);

Яўген Гурыновіч — тэрмін невядомы, арт. 3611 («Стварэньне экстрэмісцкага фармаваньня або ўдзел у ім»), арт. 130 («Распальваньне расавай, нацыянальнай, рэлігійнай або іншай сацыяльнай варожасьці або звады»), арт. 356, арт. 352 («Неправамернае завалоданьне кампутарнай інфармацыяй»), арт. 2031 («Незаконныя дзеяньні ў адносінах да інфармацыі аб прыватным жыцьці і пэрсанальных дадзеных»), арт. 3614 («Садзейнічаньне экстрэмісцкай дзейнасьці») КК;

Яўген Блахінскі — 7 гадоў, ч. 1 арт. 293 («Масавыя беспарадкі»), арт. 342 («Арганізацыя і падрыхтоўка дзеяньняў, якія груба парушаюць грамадзкі парадак, або актыўны ўдзел у іх»), арт. 368 («Абраза прэзыдэнта»), арт. 130 КК;

Андрэй Кобель — 9 гадоў, ч. 1 арт. 356 КК;

ГЛЯДЗІЦЕ ТАКСАМА:

161 чалавека асудзілі ў палітычных крымінальных справах у Беларусі за травень, за 4 гады — сама меней 5133

Дзяніс Жалезка — тэрмін невядомы, ч. 1 арт. 130, арт. 188 («Паклёп»), ч. 3 арт. 2031, ч. 1 арт. 342, ч. 1 і ч. 2 арт. 3614, ч. 2 арт. 367 («паклёп на прэзыдэнта»), ч. 1 арт. 368, арт. 369 («Абраза прадстаўніка ўлады»), арт. 3691 («Дыскрэдытацыя Рэспублікі Беларусь») КК;

Анатоль Кірэйчык — 3,5 года, арт. 188, арт. 369, арт. 391 («Абраза судзьдзі або народнага засядацеля»), ч. 2 арт. 295 («Незаконныя дзеяньні ў адносінах да агнястрэльнай зброі, боепрыпасаў і выбуховых рэчываў») КК;

Артур Радзівановіч — 2,5 года, ч. 1 арт. 13 («Падрыхтоўка да злачынства»), ч. 1 арт. 3613 («Удзел на тэрыторыі замежнай дзяржавы ва ўзброеным фармаваньні або ўзброеным канфлікце, ваенных дзеяньняў, вэрбаваньне або рыхтаваньне асоб да такога ўдзелу») КК;

Андрэй Шулганаў — 2,5 года, арт. 368 і 130 КК;

Ягор Ібрагімаў — тэрмін невядомы, арт. 364 («Гвалт або пагроза ўжываньня гвалту ў дачыненьні да супрацоўніка органаў унутраных спраў»), 342 КК;

Дзьмітры Кушалевіч — тэрмін невядомы, ч. 1 арт. 366 («Гвалт або пагроза гвалтам у дачыненьні да службовай асобы, якая выконвае службовыя абавязкі, іншай асобы, якая выконвае грамадзкі абавязак»), ч. 2 арт.367, ч. 2 арт. 368 КК.

ГЛЯДЗІЦЕ ТАКСАМА:

У Кангрэсе ЗША прайшлі слуханьні пра беларускіх палітвязьняў

Таксама палітвязьнямі прызнаныя ўзятыя пад варту Эдуард Кашацян, Уладзімер Алісіевіч і Андрэй Валахановіч, абвінавачаныя па ч. 3 арт. 130, арт. 3691, ч. 3 арт. 1301 («Рэабілітацыя нацызму»), ч. 1 арт. 342, ч. 1 арт. 368 КК.

Праваабаронцы патрабуюць неадкладна вызваліць усіх палітвязьняў і спыніць рэпрэсіі супраць грамадзян краіны.

Заяву падпісалі праваабарончы цэнтар «Вясны», Офіс па правах людзей з інваліднасьцю, Беларускі ПЭН і «Прававая ініцыятыва».

Цяпер у Беларусі 1411 чалавек, якіх праваабарончая супольнасьць прызнае палітвязьнямі. Рэальная колькасьць людзей, якія зазналі рэпрэсіі ў той ці іншай форме, значна большая.