На відэа жыхара Полацку затрымліваюць сама меней трое АМАПаўцаў, побач стаяць яшчэ двое супрацоўнікаў ДАІ. Пры затрыманьні сілавікі паклалі мужчыну тварам у сьнег.
На «пакаяльным» відэа сілавікоў мужчына кажа, што браў удзел у акцыях пратэсту ў Менску ў 2020 годзе, публікаваў у сацсетках «экстрэмісцкія матэрыялы», а таксама «ў сувязі зь нядаўнімі падзеямі абразіў гонар і годнасьць памерлага начальніка Аршанскага РУУС».
Па якім артыкуле абвінавачваюць мужчыну і што зь ім цяпер — невядома.
Начальнік Аршанскага РУУС Сяргей Барвянкоў «раптоўна памёр» 4 лютага на 49-м годзе жыцьця. Ён усё жыцьцё праслужыў у міліцыі. Пачынаў з участковага, потым некаторы час узначальваў талачынскую міліцыю. А некалькі гадоў таму перайшоў у Воршу. Менавіта пад ягоным кіраўніцтвам тут адбываліся палітычныя рэпрэсіі ў 2020 годзе і пазьней. Тэлеграм-канал «Чорная кніга Беларусі» публікаваў ягонае фота.
Барвянкоў быў дэпутатам райсавету.
