Як паведаміў Белстат, у лістападзе цэны ў параўнанні з кастрычнікам 2023 году вырасьлі на 0,7%. У выніку гадавая інфляцыя паскорылася — са сьнежня 2022 году па кастрычнік 2023-га яна склала 4,3%, а празь месяц, у лістападзе, ужо 4,9%.
Прычынай падвышэньня цэнаў у лістападзе выявілася гародніна. Яна падаражэла за месяц на 21,4%. На 2,2% падаражэла садавіна. Нязначна падаражэлі мука, макаронныя вырабы, мыйныя сродкі, лекі, паслугі ЖКГ, бытавыя паслугі, дываны.
А тое-сёе і патаннела. Абутак — на 0,7%, чыгуначныя перавозкі — на 2,6%, турыстычныя паслугі — на 12,1%.