Беларусы на Дзяды наведалі Альшанскія могілкі ў Празе і ўсклалі кветкі на магілы заснавальнікаў БНР. Фота

Гэтым разам да праскіх беларусаў далучыліся беларусы з Варшавы, Антвэрпэну, Рэгэнсбургу, а таксама ўдзельнікі Міжнароднага сымпозіюму, прысьвечанага 100-годзьдзю пераезду ў Прагу Рады Беларускай Народнай Рэспублікі, які пачнецца ў чацьвер у Славянскай бібліятэцы. Яны ўсклалі кветкі на магілы прэзыдэнтаў БНР Пётры Крачэўскага і Васіля Захаркі, а таксама на магілу сьпевака Міхася Забэйды-Суміцкага.

Пачынаючы з другой паловы 1990-х гадоў праскія беларусы апякуюцца магіламі заснавальнікаў БНР і дзеячоў беларускай дыяспары, за ўласныя сродкі робяць патрэбныя ўпарадкаваньні. Сёлета яны ўпарадкавалі магілу Міхася Забэйды-Суміцкага.

ГЛЯДЗІЦЕ ТАКСАМА:

Куды пайсьці на Дзяды за мяжой. Пахаваньні вядомых беларусаў у Літве, Польшчы, Латвіі, Украіне, Грузіі

ГЛЯДЗІЦЕ ТАКСАМА:

«Рамантызм ідэі незалежнасьці будзе жыць». 140 гадоў Пётру Крэчэўскаму, старшыні Рады БНР

Экскурсію па праскіх Альшанах з нагоды Дзядоў зладзіў для беларусаў і беларусак Чэхіі дасьледчык Сяргей Кнырэвіч.