Яго заяву прыводзіць тэлеграм-канал Кабінэту:
«Трохі больш за тыдзень таму мы прэзэнтавалі праект новага нацыянальнага пашпарта Беларусі. Мы ўражаныя запытам: за такі кароткі тэрмін удзельнікі апытаньня выказалі намер атрымаць больш за 57 000 пашпартоў. Тысячы зь іх пазначылі, што плянуюць зьвяртацца па пашпарт ня толькі для сябе, але і разам з чальцамі сваіх сем'яў.
Паводле Кавалеўскага, такое жаданьне выказалі беларусы з розных куткоў сьвету, у тым ліку з ЗША, Канады і іншых дзяржаваў. У заяве гаворыцца, што больш за траціну ўдзельнікаў апытаньня пражываюць цяпер у Беларусі, хоць зь меркаваньняў бясьпекі праект пакуль арыентаваны на беларусаў замежжа. Кавалеўскі адзначае, што самай папулярнай прычынай патрэбы ў новым пашпарце апытаныя назвалі непрыняцьце рэжыму і яго акупацыйных сымбаляў.
«Амаль палова ўдзельнікаў апытаньня пражываюць у Эўразьвязе. І прадказальна, што іншымі, больш прагматычнымі прычынамі, згодна з апытаньнем, сталі заканчэньне тэрміну дзеяньня пашпарта і цяжкасьці з абменам дакумэнта ў рэжымных консульствах. Апытаньне паказала, што мінімум 2 тысячы чалавек маюць патрэбу ў аднаўленьні пашпарта ўжо цяпер. Гэта можа быць „вярхушкай айсбэрга“», - канстатуе Кавалеўскі.
