Навіны палітвязьняў: справу Шчыраковай перадалі ў суд, Дуліну перавялі ў гомельскую калёнію

Справу палітзняволенай журналісткі Шчыраковай перадалі ў суд

Паводле матэрыялаў сьледзтва, Ларыса Шчыракова нібыта зьмясьціла ў інтэрнэце зьвесткі, якія дыскрэдытавалі Рэспубліку Беларусь.

Яе вінавацяць таксама ў «зборы, стварэньні, апрацоўцы, захоўваньні і перадачы інфармацыі для „Вясны“ і „Белсату“».

Шчыраковай выставілі абвінавачаньні паводле арт. 369–1 КК («Дыскрэдытацыя Рэспублікі Беларусь»), ч. 1 і ч. 2 арт. 361–4 КК («Садзейнічаньне экстрэмісцкай дзейнасьці і тое ж дзеяньне, якое ажыцьцяўляецца паўторна»).

Журналістцы можа пагражаць да 7 гадоў зьняволеньня. Суд над ёй пройдзе ў Гомельскім абласным судзе.

ГЛЯДЗІЦЕ ТАКСАМА:

У палітзьняволенай журналісткі Ларысы Шчыраковай памерла маці

Былую выкладчыцу МДЛУ Дуліну перавялі ў гомельскую калёнію

Натальлю Дуліну асудзілі на 3,5 года калёніі паводле арт. 342 КК («Актыўны ўдзел у дзеяньнях, якія груба парушаюць грамадзкі парадак») і ч. 1 арт. 361-4 («Садзейнічаньне экстрэмісцкай дзейнасьці»). Суд на ёй праходзіў у закрытым рэжыме.

Натальля — былая дацэнтка катэдры італьянскай мовы МДЛУ, сябра Каардынацыйна рады. Яна падтрымала страйк і пратэсты студэнтаў.

Праваабаронцам стала вядома, што ад 20 чэрвеня палітзьняволеная знаходзіцца ў гомельскай жаночай калёніі № 4.

ГЛЯДЗІЦЕ ТАКСАМА:

Экс-дацэнтцы МДЛУ Дулінай прысудзілі 3,5 года зьняволеньня за камэнтар незалежнаму мэдыя