Збор праводзіцца ў рамках пляну падрыхтоўкі тэрытарыяльных войскаў «для павышэньня іх баявой і мабілізацыйнай гатоўнасьці, праверкі рэальнасьці і тэрмінаў выкананьня мабілізацыйных мерапрыемстваў», гаворыцца ў паведамленьні прэс-службы ведамства.
У рамках яго правядуць навучаньне чыноўнікаў з райвыканкамаў і ваенкаматаў па пытаньнях фармаваньня тэрытарыяльных войскаў. Таксама плянуюць прапрацаваць пытаньні прымяненьня тэрытарыяльных войскаў сумесна з падразьдзяленьнямі і вайсковымі часткамі Ўзброеных сілаў.
Збор працягнецца да 21 красавіка.
- Зь сярэдзіны 2022 году на тэрыторыі Беларусі пэрыядычна праводзяцца вучэньні тэрытарыяльных войскаў.
- З 28 лютага па 3 сакавіка абласныя і Менскі гарадзкі выканаўчыя камітэты праводзілі вучэньні па фармаваньні тэрытарыяльных войскаў Беларусі.
- З 20 сакавіка ўзровень падрыхтоўкі тэрытарыяльнай абароны правяраюць у Менскай вобласьці.
- У лютым Аляксандар Лукашэнка заявіў, што Беларусь гатовая далучыцца да расейскай агрэсіі ва Ўкраіне ў выпадку ваеннага інцыдэнту на мяжы і ўварваньня ўкраінскіх салдатаў на беларускую тэрыторыю.
